سعودی عرب: ٹرانسپورٹ سے متعلق جُرمانوں کی نئی فہرست میں 221 خلاف ورزیوں کا تعین

Source: S.O. News Service | By INS India | Published on 1st February 2020, 8:22 PM | خلیجی خبریں |

ریاض، یکم فروری(آئی این ایس انڈیا)سعودی عرب میں ٹریفک کے نظام کی بہتری کے لیے نئے اقدامات کا سلسلہ جاری ہے۔ اس حوالے سے تازہ ترین پیش رفت میں ٹرانسپورٹ اور بسوں کو کرائے پر دیے جانے کی سرگرمیوں سے متعلق 221 خلاف ورزیوں کا تعین کیا گیا ہے۔ ٹریفک کے نظام کے تحت ان میں سے بعض خلاف ورزیوں پر جرمانے کی رقم 5 ہزار ریال تک ہے۔سعودی اخبار’اُمّ القری‘ میں جمعے کے روز شائع ہونے والی مذکورہ فہرست میں شامل خلاف ورزیوں میں سے 87 کا تعلق اسپیشل ٹرانسپورٹ سے، 95 کا تعلق بسوں کو کرائے پر دیے جانے سے اور 39 کا تعلق بسوں کے رُوٹس سے ہے۔بسوں کو کرائے پر دیے جانے سے متعلق خلاف ورزیوں میں وزارت حج و عمرہ کی منظوری کے بغیر کسی بس کا معتمرین اور حجاج کی منتقلی کا کام انجام دینا ہے۔ اس خلاف ورزی پر 5 ہزار ریال جرمانہ ہو گا۔ اس کے علاوہ مسافروں کو ایسی اشیاء یا سامان لے کر جانے کی اجازت دینا جو بس میں دوسرے لوگوں کے لیے تکلیف کا باعث ہو۔ اسی طرح مسافروں کے بس میں چڑھنے یا اس سے اُترنے کی جگہ پر کھڑا ہونا، ان دونوں خلاف ورزیوں پر جرمانے کی رقم 2 ہزار ریال ہے۔ڈرائیونگ کے دوران بس ڈرائیور کے موبائل فون کے استعمال پر 2 ہزار ریال جرمانہ ہو گا، مسافروں کی جانب سے بس میں مختص گنجائش سے زیادہ سامان لے کر آنے پر 1 ہزار ریال جرمانہ ہو گا، میں ڈرائیور کے سگریٹ نوشی کرنے یا کسی مسافر کو سگریٹ نوشی کی اجازت دینے پر 500 ریال جرمانہ ہو گا۔ڈرائیور کی جانب سے معذور افراد کی مدد نہ کرنے پر 500 ریال جرمانہ ہو گا۔ اسی طرح سفر کے آغاز پر یا سفر کے دوران ڈرائیور کی جانب سے بس کے دروازے بند نہ کرنے پر 2 ہزار ریال جرمانہ عائد ہو گا۔

ایک نظر اس پر بھی

متحدہ عرب امارات: مدت ختم ہو جانے والے اقاموں میں 3 ماہ کی توسیع کا فیصلہ

متحدہ عرب امارات میں کابینہ نے متعدد نئے فیصلوں کی منظوری دی ہے۔ یہ فیصلے ملک میں مختلف سیکٹروں کو کرونا وائرس کے منفی اثرات سے بچانے کے لیے حکومتی اقدامات کا حصہ ہیں۔ اس کا مقصد شہریوں ، غیر ملکی مقیمین اور امارات کا دورہ کرنے والوں کی صحت اور سلامتی کو یقینی بنانا ہے۔

سعودی عرب میں کرونا وائرس سے چوتھی موت کی تصدیق، مزید 99 افراد کے ٹیسٹ مثبت

سعودی عرب کی وزارتِ صحت نے ہفتے کے روز کرونا وائرس سے چوتھی ہلاکت کی تصدیق کی ہے اور بتایا ہے کہ گذشتہ 24 گھنٹے کے دوران میں مزید 99 افراد کے اس مہلک وائرس کے ٹیسٹ مثبت آئے ہیں اور اس کے مریضوں کی تعداد 1203 ہوگئی ہے۔

سعودی عرب میں کرونا متاثرین کی تعداد 1104 ہوگئی، امتحانات وقت پر کرانے کا اعلان

سعودی وزارت صحت نے بتایا ہے کہ جمعہ کی شام تک مملکت میں کرونا وائرس کے متاثرہ مریضوں کی تعداد میں 92 نئے کیسوں کا اضافہ ہوا ہے جس کے بعد کرونا کے متاثرین کی تعداد بڑھ کر 1104 ہوگئی ہے۔ نئے سامنے آنے والے مریضوں میں 10 غیر ملکی شامل ہیں۔