یلاپور میں طالبہ کو ہراساں کرنے والے رومیواور اس کے ساتھی کو کیا گیا گرفتار
یلاپور:27؍اکتوبر(ایس اؤ نیوز)ایک کالج طالبہ کو پیا راور محبت کرنے کے نام پر ہراساں کرنےو الے ایک رومیو اور اس کے ایک ساتھی کو یلاپور پولس نے گرفتار کر لیا ہے، واردات سنیچر کو یلاپور میں پیش آئی ہے ۔
گرفتار شدہ ملزم کی شناخت دنیش نائک اور اس کے ساتھی کی شناخت سندیپ مکند آچاری کی حیثیت سے کی گئی ہے۔ اطلاعات کے مطابق شہر کی ڈگری کالج میں بی کام میں زیر تعلیم طالبہ سے دنیش نائک کی جان پہچان بڑھی تو اس کاموبائیل نمبر لے کر باربار فون کرنے کے علاوہ کالج جانےو الی سڑک پر زبردستی پیا ر کے لئے ہراساں کیا کر تا تھا۔ اس بات کا بھی الزام ہے کہ طالبہ کو ہراساں کرنے میں دنیش نائک کےساتھ اس کے دوست نوین نامدیو کلواڑ، کمار پجاری، ونود پرکاش گوندلی، وشال پرکاش گوندلی، پونیت گوندلی، ناگراج بھٹ، پرسن بھٹ اور سندیپ مکند آچاری بھی شامل ہیں جو طالبہ پر دبائو ڈال رہے تھے کہ وہ دنیش نائک سے پیار کرے۔
طالبہ کی ماں نے یلاپور پولس تھانہ میں درج اپنی شکایت میں بتایا ہے کہ 22اکتوبر کی رات کے دنیش نائک اپنے دوستوں کے ساتھ الگ الگ بائکوں پر سوار ہوکر طالبہ کے گھر پہنچے اور گالی گلوچ کرنے کے علاوہ گھر پرپتھراؤ کرتے ہوئے ہنگامہ کیا ۔ ہنگامہ کو دیکھتے ہوئے پاس پڑوس کے لوگ جمع ہونے لگے تو دنیش اور اُس کے ساتھ اپنی بائکس کو وہیں چھوڑکر فرار ہو گئے ۔
اس تعلق سے پولس نے کیس درج کرلیا ہے دنیش نائک اور سندیپ آچاری کو گرفتارکیا گیا ہے، مزید چھان بین جاری ہے۔
