بھٹکل:3/ اکتوبر(ایس اؤ نیوز)شرالی قومی شاہراہ کی45 میٹر توسیع کو لے کر شرالی گرام پنچایت ممبران کا ایک وفد اترکنڑا ضلع ڈپٹی کمشنر سے ملاقات کرتے ہوئے شاہراہ کی وسعت 45میٹر کرنے کا مطالبہ لے کر اپیل سونپی۔

وفد کی طرف سے اپیل وصول کرنے کے بعد بات کرتے ہوئے ڈپٹی کمشنر ایس ایس نکول نے پنچایت ممبران کے وفد سے کہاکہ شرالی کے 10کسانوں نے شاہراہ توسیع کے لئے اپنی زمین کھوئی ہے، 10میں سے 8کسانوں نے 45میٹر کی توسیع کو اپنی منظوری دی ہے ، بقیہ دونوں کسان (زمین کے مالکان )بھی 45میٹر توسیع کے لئے تیار ہونے کی منظوری دیں تو میں نیشنل ہائی وے اتھارٹی کو پیش کش ارسال کرنے کی بات کہی۔

شاہراہ توسیع کولے کر سماجی کارکن ، صحافی اُلاس شانبھاگ نے ڈی سی سے کہاکہ صرف 2زمین مالکان کی وجہ سے قومی شاہراہ کی توسیع نہیں ہوپارہی ہے، انہیں ہم پھر ایک بار شرالی عوام اور پنچایت کی طرف  سے سمجھائیں گے۔ ڈی سی نے کہاکہ دیری ہورہی ہے فوری طورپر دونوں زمین مالکان کی منظوری لینے کوکہا۔ اس موقع پر گرام پنچایت ممبر ناگپا نائک ،منجوناتھ نائک، کیشوو نائک وغیرہ موجود تھے۔