بنگلورو،3/ستمبر (ایس او نیوز/ایجنسی) نائب وزیر اعلیٰ ڈی کے شیو کمار نے ہفتہ کو کہا کہ وہ کرناٹک میں خواتین کے لئے سرکاری بسوں پر مفت خدمات پیش کرنے کے بعد پرائیویٹ ٹرانسپورٹ والوں کو ہورہی دشواریوں کے تعلق سے وزیر اعلیٰ سدارامیا اور وزیر ٹرانسپورٹ رام لنگا ریڈی کے ساتھ تبادلہ خیال کریں گے۔ یاد رہے کہ 11 ستمبر کو شہر میں پرائیویٹ ٹرانسپورٹ تنظیموں کی طرف سے احتجاج کےاعلان کئے جانے کا اعلان کیا ہے ۔

پرائیویٹ ٹرانسپورٹ مالکان کا دعویٰ ہے کہ سرکاری بسوں پر خواتین کو مفت سفر کی سہولت دینےکےبعدان کے کاروبار میں زبردست کمی آئی ہے۔ یہی وجہ ہے کہ آٹو رکشہ ڈرائیورس، پرائیویٹ ٹیکسی ڈرائیورس، اسکول بس اور کیب مالکان سمیت تقریباً 32 تنظیموں نے متحد ہوکر 17/ ستمبر کو احتجاج کا اعلان کیا ہے۔

بتایا گیا ہے کہ پرائیویٹ ٹرانسپورٹ کی یونینوں نے کانگریس حکومت کو کئی مطالبات پیش کر چکے ہیں، جس میں اہم مطالبات میں ہر درائیور کو 10،000 روپئے کی مالی امداد اور بائیک ٹیکیسوں پر پابندی شامل ہے۔ 

نامہ نگاروں سے بات کرتے ہوئے شیو کمار نے کہا کہ کچھ اضلاع میں سرکاری بسیں نہیں ہیں اور  کچھ اضلاع میں صرف پرائیویٹ بسیں ہی چلتی ہیں۔ ہمیں اس تعلق سے مناسب حل تلاش کرنے کی ضرورت ہے۔ انہوں کے کہ وہ اس معاملے میں  وزیر اعلیٰ سے بات کریں گے 

شکتی یوجنا پہلی گارنٹی اسکیم تھی جسے کانگریس حکومت نے اقتدار میں آنے کے بعد نافذ کیا تھا۔ یہ اسکیم ریاست بھر میں لگژری گاڑیوں کے علاوہ سرکاری بسوں میں خواتین کے لئے مفت سفر کی سہولت فراہم کرتی ہے۔ وزیر اعلیٰ سدارامیا نے کہا تھا کہ شکتی اسکیم کےتحت اب تک 48.5 کروڑ خواتین بسوں میں مفت سفر کرچکی ہیں۔