شیموگہ میں ائیرفورس سیلکشن ریلی : پی یوسی میں کامیاب طلبا فوری توجہ دیں
کاروار :19؍جولائی (ایس اؤ نیوز) بنگلورو ائیر فورس تقرری مرکز کی جانب سے شیموگہ کے نہرو اسٹیڈیم میں پی یو سی میں کامیاب طلبا کی 22جولائی کوگروپ وائی عہدوں کے لئے بھرتی ریلی منعقد کی جارہی ہے۔
ہندوستانی فوج کی فضائی فوج یعنی ائیرفورس میں سیلکشن کے لئے 17برس سے 21برس کے درمیان عمر ہونی چاہئے۔ پی یو سی میں 50فی صد نمبرات سے کامیاب صرف مرد طلبا بھرتی ریلی میں شریک ہوسکتے ہیں۔ اس سلسلےمیں زائد جانکاری کے لئے 080-25592199پر رابطہ کرسکتے ہیں یا www.airmenselection.cdac.in پر وزٹ کرنے ضلع انتظامیہ کی طرف سے جاری کردہ پریس ریلیز میں کہاگیا ہے۔
ہندوستانی فوج کی فضائی فوج یعنی ائیر فورس میں بھرتی ہونا فخریہ بات ہے ، اس کے ساتھ ساتھ کئی ساری سہولیات کے ساتھ اچھی تنخواہ بھی ملتی ہے۔ ہمارے نوجوان اس تعلق سے سنجیدگی سے توجہ دیتے ہوئے متعلقہ بھرتی ریلی میں شریک ہوسکتےہیں۔