بھٹکل:16؍ اکتوبر(ایس اؤ نیوز)سیاحت کے لئے مرڈیشور پہنچے سیاح سمندر کا لطف لینے پانی میں اترنے کے بعد توازن کھوکر ڈوبنے لگے تو ساحل پر تعینات لائف گارڈ نے انہیں بچا کر کنارے لانے میں کامیاب ہونے کا واقعہ جمعہ کی شام پیش آیاہے۔

ان سیاحوں کی شناخت شیموگہ ، شکاری پور کالج کے طلبا ارون (25)، امیش وی (22) اور سوریا (20) کی حیثیت سے کی گئی ہے۔ذرائع کے مطابق شکاری پور سے 13دوست دھرمستھل، کولور کا سفر کرنے کے بعد جمعہ کو مرڈیشور پہنچے تھے اور یہاں سے  گوکرن جانے والے تھے۔ سبھی 13دوست سمندرمیں تیرنے لگے، انہی میں کے چار افراد تیرتے ہوئے سمندر میں دور تک چلے گئے، خطرے کو بھانپتے ہوئے ایک دوست کسی طرح ساحل پر لوٹ آیا تو بقیہ تینوں خطرے میں پھنس گئے ۔ اسی وقت حرکت میں آئے لائف گارڈاوشین اڈونچر بوٹ لے کر  ان تک پہنچے اور  انہیں بعافیت ساحل پر لےلائے۔ معاملے کو لےکر مرڈیشور پولس کو اطلاع دی گئی ہے۔ بیچ سوپروائزر دتاتریہ شٹی ، لائف گارڈ سدھاکر ، کیشوو، ہنومنت ، وگھنیشور، رام چندر، جئے رام حفاظتی کارروائی میں شریک تھے۔