منگلورو: ہوٹل میں چل رہے جسم فروشی کے اڈے پر پولیس کا چھاپہ۔ 2ملزمین گرفتار۔ تین عورتوں کو بچا لیا گیا
منگلورو 21/اگست (ایس او نیوز) منگلورو کے پمپ ویل علاقے میں واقع ایک ہوٹل پر چھاپہ مار کر وہاں پر چل رہے مبینہ جسم فروشی کے دھندے کو پولس نے بے نقاب کردیاہے۔
پولیس کے بیان کے مطابق ہوٹل میں جسم فروشی کا کاروبار چلائے جانے سے متعلق اسے مصدقہ اطلاع ملی تھی جس پر کارروائی کرتے ہوئے اس نے دو ملزمین کو گرفتار کیا ہے اور اس کاروبار کے لئے استعمال ہونے والی تین عورتوں کو بچالیا ہے۔
گرفتار کیے گئے ملزمین میں ہوٹل کا ملازم ہریش شیٹی(45سال) اور جسم فروشی کی دلالی کرنے والا ساگر(40سال)نامی شخص شامل ہے۔یہ دونوں پتور کے الگ الگ علاقوں کے رہنے والے ہیں۔چھاپہ ماری کی یہ کارروائی کدری پولیس اسٹیشن کے افسران، کرائم برانچ کی ٹیم اور ویمنس پولیس اسٹیشن کے افسران نے مشترکہ طور پر انجام دی تھی۔
