دوحہ،27؍نومبر (ایس او نیوز؍ایجنسی ) فٹبال  ورلڈ کپ میں سعودی عرب اپنے دوسرے میچ میں پولینڈ کے ہاتھوں شکست کھا گیا۔قطر میں جاری ورلڈ کپ میں پولینڈ نے سعودی عرب کو 0-2 سے شکست دی۔ پولینڈ کے پیوٹر زیلنسکی نے 39 ویں اور روبرٹ نے82 ویں منٹ میں گول اسکورکیا۔

خیال رہے کہ سعودی عرب نے اپنے پہلے میچ میں پسندیدہ ارجنٹائن کو شکست دے کر سب کو حیران کردیا تھا۔ پولینڈ کے رابرٹ لیوینڈوسکی نے ہفتہ کے روز اپنے شاندار کیریئر کا پہلا ورلڈ کپ گول اسکور کیا جب پولینڈ نے سعودی عرب کو 2-0 سے ہرا دیا ہے۔ پیوٹر زیلنسکی نے گروپ سی کے مقابلے میں گول کا آغاز کیا اور گول کیپر ووجشیچ سززنی نے ہاف ٹائم کے اسٹروک پر سالم الدوسری کی پنالٹی کو بچایا۔

رابرٹ لیوینڈوسکی نے کہا کہ قومی ٹیم کے لیے کھیلتے ہیں تو آپ کو نتیجہ پر توجہ مرکوز کرنی ہوتی ہے لیکن یہ سچ ہے کہ میں ہمیشہ ورلڈ کپ میں گول کرنا چاہتا تھا۔ لیکن یہ آسان نہیں ہے۔ ہم نے پہلے ہاف میں زیادہ مواقع پیدا نہیں کیے ۔ آج پولینڈ نے جہاں سعودی عرب کو 2-0سے ہرایا وہیں فرانس نے ڈنمارک وک 2-1سے شکست دے دی ۔