بھٹکل : میونسپالٹی ملازمین نے چیف آفیسر کو دیا میمورنڈم، ٹھیکے کی بنیاد پر کام کرنے والوں کو مستقل ملازم کا درجہ دینے کا مطالبہ
بھٹکل، یکم فروری (ایس او نیوز) بھٹکل ٹاون میونسپالٹی حدود میں پانی کی سپلائی، موٹر گاڑیوں کے ڈرائیور، ڈاٹا اینٹری آپریٹرس، یو جی ڈی کے ملازمین، صفائی کرمچاری وغیرہ جو ٹھیکے کی بنیاد پر کام کر رہے ہیں انہیں ریاستی حکومت کی طرف سے مستقل ملازمین کا درجہ دینے کا مطالبہ کرتے ہوئے آج میونسپل صدر اور میونسپل چیف آفیسر کو میمورنڈم دیا گیا ۔
میونسپالٹی کے ان ملازمین کا کہنا تھا کہ انہیں مستقل ملازمین کی طرح ملازمت کی کوئی ضمانت نہیں ہے ، مستقل ملازمین کو جو پنشن اور انشورنس وغیرہ کی سہولتیں ہیں وہ بھی انہیں حاصل نہیں ہیں ۔ ریاستی حکومت ٹھیکے پر ملازمت کرنے والوں اور مستقل ملازمین کے درمیان سوتیلا سلوک کر رہی ہے ۔ اس لئے ٹھیکے پر ملازمت کا سلسلہ ختم کرکے ان ملازمین کو مستقل ملازمت کا درجہ دینا چاہیے ۔
اس موقع پر ٹھیکے پر کام کر رہے ملازمین کی یونین کے تعلقہ صدر شریدھر نائک ، سکریٹری رمیش ایس کے ، چیتن نائک، وسو نائک ، منجو نائک، گنیش نائک اور دیگر ملازمین موجود تھے۔