بھٹکل:17؍نومبر(ایساؤنیوز)طلبا میں دستورہند کے متعلق شعور بیدار کرنے کا مقصد لےکر ’’ایک ملک ایک دستور‘‘ مہم کی مناسبت سے سرکاری ڈگری کالج بھٹکل میں اتوار کو پروگرام منعقد کیاگیا ۔
پرنسپال دستگیرہالیال نے پروگرام کی صدارت کی۔ سیاسیات شعبہ کی لکچرر ڈاکٹر بھاگیرتھی نائک نے ہمارا دستور،منشا کے متعلق افتتاحی کلمات پیش کیں۔ لکچرر پریما آچاریہ نے نظامت کی۔ لکچرر راجو نائک، نیتراوتی نائک موجود تھے۔ لکچرر روی چتراپور نے شکریہ اداکیا۔
مہم کی مناسبت سے بھٹکل تعلقہ بی ایڈ، ڈگری، پی یو کالج طلبا کے درمیان منعقد کئے گئے تقریری مقابلے میں آنند آشرم پی یو کالج کے متعلم محی الدین اصباح اول، شری اگینانیشوری بی ایڈ کالج کی متعلمہ دیپا نائک دوم، دیوی داس نے سوم مقام حاصل کیا۔ دیش بھگتی گیت مقابلے میں سدھارتھ پی یوکالج کی طالبہ سندھیاہیبار اول، انجمن پی یوکالج کے متعلم حسن ایس بی ، شرالی جنتا ودیالیا پی یوکالج کی طالبہ امرتا ایس نائک نے سوم مقام حاصل کیا۔