اُڈپی میں بھٹکل کے تاجرکا نیا پلے ووڈ اینڈ ہارڈویر شوروم ؛ تنظیم ذمہ داران نے کیا نیک خواہشات کااظہار
بھٹکل21/نومبر(ایس او نیوز) بھٹکل میں پلے ووڈ کے کامیاب تاجرجاوید حُسین آرمار کے اُڈپی میں حال ہی میں افتتاح شدہ جے کے پلے ووڈ اینڈ ہارڈوئیر شوروم پہنچ کر تنظیم ذمہ داران نے نیک خواہشات کا اظہار کرتے ہوئے مبارکباد پیش کی۔
مجلس اصلاح و تنظیم بھٹکل کے صدرعنایت اللہ شاہ بندری اور جنرل سکریٹری عبدالرقیب ایم جے ندوی سمیت دیگر ذمہ داران جیلانی شاہ بندری، سٹی میڈیکل اقبال، فوّازسُکری اور بھٹکل مسلم یوتھ فیڈریشن کے صدر عزیزالرحمن رکن الدین ندوی نے اُڈپی میں جے کے شوروم کی شروعات پر خوشی کا اظہار کیا اور کاروبار کی ترقی اور کامیابی کے لئے دعاوں سے نوازا۔ گھر کے ڈیکوریٹیوکے سازوسامان سمیت پلے ووڈ اور ہارڈویرکی یہ دکان اُڈپی کے امبلپاڈی جنکشن، نیشنل ہائی وے پر واقع ہے۔ اس موقع پر گفتگو کرتے ہوئے عنایت اللہ شاہ بندری نے کہا کہ بھٹکل اور اطراف کے اکثر لوگوں کا مینگلور آنا جانا رہتا ہے، ایسے میں بھٹکل و اطراف کے عوام اس شوروم میں ہوکر آگے بڑھ سکتے ہیں۔
نمّا ناڈو اُکوٹا اُڈپی کے صدر مشتاق احمد، اعزازی صدر رفیق گنگولی، جنرل سکریٹری ظہیر ناخدا سمیت کئی دیگر ذمہ داران بھی موجود تھے۔ بزنس پارٹنرمبشرقادرا نے اس موقع پرتنظیم وفد کا والہانہ استقبال کرتے ہوئے شوروم میں تشریف آوری پرخوشی کا اظہار کیا۔