بھٹکل مسلم اسوسی ایشن ریاض کے لئے عہدیداران کا انتخاب؛عمارقاضیا پھرایک بارصدرمنتخب؛ ارشاد شیخ بنے جنرل سکریڑی
ریاض 6/اکتوبر(ایس او نیوز) بھٹکل مسلم اسوسی ایشن ریاض کے لئے جمعہ 6/اکتوبر کو دو سالہ میعاد کے لئے عہدیداران کا انتخاب عمل میں آیا جس میں بالاتفاق رائے پھرایک مرتبہ محمد عمار قاضیا صدرکے باوقارعہدہ کے لئےمنتخب ہوگئے جبکہ جنرل سکریٹری کے عہدہ پرارشاد احمد شیخ کا انتخاب عمل میں آیا۔
جماعت کے سرپرست جناب عبدالعلیم قاضیا کی صدارت میں منعقدہ انتخابات میں نائب صدر کے عہدہ پرعبدالرقیب پلُور، جوائنٹ سکریٹری کے عہدہ پرمحمد صُہیب مصباح، محاسب و خزانچی کے طور پر ذُہیب پیشمام جبکہ جماعت کے ترجمان کے طورپرابوبکر صدیقی کا انتخاب کیا گیا۔
18 اراکین انتظامیہ والی جماعت کا دوسالہ الیکشن 22 ستمبر کو ہوا تھا جس میں 12 ممبران (سید عُقبیٰ لنکا، ذُہیب پیشمام،سید ظہیر کریکال، محمد عمار قاضیا، عبدالباری کولا، محمد نجف خومی، محمد صُہیب مصباح، عبدالرقیب پلّور، ابراہیم سعود جاکٹی، حبیب اللہ محتشم، محمد عطاءالللہ شیخ، عبدالماجد ایس ایم) کا انتخاب عمل میں آیا تھا، اس سے قبل تحلیل شدہ انتظامیہ میں سے تین ممبران ارشاد احمد شیخ، محمد نصیف ائیکری اورابوبکرصدیقی کو منتخب کیا گیا تھا اوران میں سے ارشاد کو الیکشن کمشنر اور دیگردوکوان کا معاون بنایا گیا تھا۔ تینوں نے پوری ذمہ داری اور شفافیت کے ساتھ انتخابی کاروائی کوانجام دیا۔ اب صدرکے اختیارسے مزید دو لوگوں کو انتظامیہ میں شامل کرنا باقی ہے۔
150اراکین والی ریاض جماعت کے الیکشن میں 103 اراکین نے ووٹنگ میں حصہ لیا جس میں 50 نے آن لائن کے ذریعے اپنی حق رائے دہی کا استعمال کیا جبکہ 53 نے جماعت کی جانب سے تعین کردہ پولنگ بوتھ پہنچ کرووٹنگ کی۔
جمعہ کومنعقدہ نئی اراکین انتظامیہ کی پہلی میٹنگ میں ایک طرف عہدیداران کا انتخاب عمل میں آیا وہیں جماعت کی ذیلی کمیٹیوں کے لئے بھی کنوینراوراراکین کا انتخاب کیا گیا۔
