نئی دہلی،22؍ستمبر(آئی این ایس انڈیا) برطانیہ نے کوویشیلڈ ویکسین سرٹیفکیٹ کی بنیاد پر اپنے ملک کے سفر کی منظوری دے دی ہے لیکن اب ویکسینیشن سرٹیفکیٹ پر سوالات کھڑے ہو گئے ہیں۔ تاہم بھارت کے اعلیٰ حکام نے واضح طور پر کہا ہے کہ ویکسین سرٹیفکیٹ میں کوئی مسئلہ نہیں ہے۔ برطانیہ کے اعلیٰ مشاورتی ادارے نے تازہ ترین گائیڈ لائن میں کہا ہے کہ برطانیہ میں درج چار ویکسینزتسلیم شدہ ویکسین ہیں ، لیکن اب ویکسینیشن سرٹیفیکیشن کامعاملہ پھنس گیا ہے۔ نیشنل ہیلتھ اتھارٹی کے سی ای او آر ایس شرما نے کہاہے کہ کوون ایپ یا ویکسین سرٹیفکیٹ کے عمل میں کوئی مسئلہ نہیں ہے۔ قابل ذکر بات یہ ہے کہ بھارت میں بنی کوویشیلڈ ویکسین سے ٹیکے لگانے والوں کے لیے کچھ راحت ملی ہے ، لیکن برطانیہ نے کہا ہے کہ ہندوستانیوں کو اب بھی قرنطینہ کے عمل سے گزرنا پڑے گا۔ شرما نے بتایاہے کہ کووین ایپ کا سرٹیفیکیشن سسٹم مکمل طورپرڈبلیوایچ او کے معیارکے مطابق ہے۔ ہم بین الاقوامی سول ایوی ایشن آرگنائزیشن کے ساتھ مسلسل بات چیت کرتے رہے ہیں۔