بنگلہ دیش کے لیے مشکلیں بڑھیں، ہندوستان دورے سے باہر ہو سکتے ہیں شکیب الحسن

Source: S.O. News Service | Published on 29th October 2019, 1:05 PM | اسپورٹس |

ڈھاکہ،29؍اکتوبر (ایس او نیوز ؍ایجنسی)  بنگلہ دیشی کرکٹرز کی تنخواہ ادائیگی کو لے کر ہڑتال کی قیادت کرنے والے ملک کے نمبر ایک آل راؤنڈر شکیب الحسن گزشتہ کچھ دنوں سے بنگلہ دیش کرکٹ بورڈ (بی سی بی) کے نشانے پر ہیں اور اب آثار ہیں کہ وہ اگلے ماہ سے شروع ہونے والے ہندستان دورے سے بھی باہر رہ سکتے ہیں۔

بی سی بی نے کھلاڑیوں کی تنخواہ ادائیگی سے متعلق مطالبات کو قبول کر لیا تھا جس کے بعد بنگلہ دیش کا ہندستان دورہ طے وقت پر مقرر کیا گیا ہے، لیکن ٹیم کے سینئر کھلاڑیوں اور بورڈ کے درمیان فی الحال تعلقات سدھرتے دکھائی نہیں دے رہے ہیں۔ حال ہی میں بی سی بی نے ضابطہ سے متعلق قوانین کی خلاف ورزی کرنے کے معاملے میں شکیب کے خلاف قانونی کارروائی کرنے کا اعلان کیا تھا۔

اسی درمیان بی سی بی کے صدر نظم الحسن نے ایک بنگالی اخبار کو دیئے انٹرویو میں اشارہ دیئے ہیں کہ شکیب ہندستان دورے سے باہر رہ سکتے ہیں۔ اس دورے کے لیے بدھ تک بنگلہ دیش کرکٹ ٹیم ہندستان پہنچے گی۔ محمد سیف الدین چوٹ کی وجہ سے جبکہ تمیم اقبال اپنی حاملہ بیوی کی وجہ سے پہلے ہی اس دورے سے باہر ہو چکے ہیں۔

شکیب نے گزشتہ تین دنوں سے قومی ٹیم کے ٹریننگ سیشن میں بھی حصہ نہیں لیا ہے۔ بی سی بی نے اگرچہ اس بارے میں کوئی بیان نہیں دیا ہے لیکن کوچ رسل ڈومنگو نے کہا ہے کہ شکیب پریکٹس میچ سے اس لئے باہر ہیں کیونکہ وہ دوسرے کھلاڑیوں پر توجہ دینا چاہتے ہیں۔

حسن نے کہاکہ مجھے یقین ہے کہ بہت سے کھلاڑی اس دورے پر نہیں جائیں گے اور ہمیں اس کے بارے میں اس وقت بتایا جائے گا جب ہمارے پاس اور كوئی اختیار نہیں بچا ہو گا ۔ میں نہیں جانتا لیکن میں نے شکیب کو فون کیا تھا ۔ دیکھتے ہیں کہ کیا ہوتا ہے ، لیکن مجھے جانکاری ملی ہے کہ کچھ کھلاڑیوں نے نہ جانے کا فیصلہ کیا ہے۔ انہوں نے کہاکہ کئی صورتحال بدل گئی ہیں۔ اگر یہ سینئر کھلاڑی 30 اکتوبر کو بتائیں گے کہ ہم نہیں جائیں گے تو ہم کیا کریں گے۔ ہمیں تو ساری ٹیم بدلنی پڑ جائے گی۔ میں کپتان کہاں سے لاؤں گا۔

ایک نظر اس پر بھی

پہلے ٹسٹ میں ہندوستان نے بنگلہ دیش کو اننگز اور 130 رن سے شکست دی

 تیز گیند باز محمد سمیع (31 رن پر 4 وکٹ) اور آف اسپنر روی چندرن اشون (42 رن پر تین وکٹ) کی بہترین گیند بازی کی بدولت ہندوستان نے بنگلہ دیش کو پہلے کرکٹ ٹسٹ کے تیسرے ہی دن اننگز اور 130 رنوں سے شکست دے کر دو میچوں کی سیریز میں 1۔0 کی برتری حاصل کرلی۔

نیلامی میں 73 کھلاڑیوں کے خریدنے پر 207 کروڑ روپئے خرچ

آئی پی ایل کے 13 ویں سیشن کے لئے 19 دسمبر کو کولکتہ میں ہونے والی نیلامی سے پہلے آٹھ ٹیموں نے جمعہ کو ری ٹین اور ریلیز کئے گئے کھلاڑیوں کا اعلان کر دیا۔ کھلاڑیوں کے معاہدہ کو بڑھانے کےاعلان کی آج آخری تاریخ تھی ۔

نمبر -4 پر ہی کھیلیں گے شریس ایئر، ٹیم مینجمنٹ نے بھی دے دی ہے ہری جھنڈی

شریس ایئر کو ہندوستانی ٹیم مینجمنٹ نے بتا دیا ہے کہ محدود اوورز کی کرکٹ میں وہی نمبر چار پربلے باز کا کردار ادا کریں گے۔ ٹیم مینجمنٹ نے نمبر چار پر کئی کھلاڑیوں کو آزمایا لیکن مسلسل ناکامیاں ملی۔انگلینڈ میں کھیلے گئے 50 اوورز کے ورلڈ کپ سے پہلے بھی بہت سے کھلاڑیوں کو اس نمبر پر ...

آئی سی سی ٹی 20رینکنگ:ناگپور میں کرشمائی کارکردگی کی بدولت  دیپک چاہرنے لگائی لمبی چھلانگ پہنچے 42ویں مقام پر

بنگلہ دیش کے خلاف تیسرے ٹی 20 میں سات رن دے کر چھ وکٹ لینے والے نوجوان تیز گیند باز دیپک چاہرنے رینکنگ میں اونچی چھلانگ لگائی ہے۔ٹی 20 I میں بہترین بولنگ کرنے والے چاہر اپنے اس شاندار کارکردگی کی بدولت 88 مقام کی لمبی چھلانگ لگا کر آئی سی سی ٹی 20 میں گیند بازوں کی رینکنگ میں 42 ویں ...

ہندوستان نے بنگلہ دیش کو آخری ٹی ٹونٹی میچ میں 30 رنز سے شکست دے کر سیریز 2-1 سے اپنے نام کر لی ، دیپک چھاہر کی ریکارڈ ساز باؤلنگ

ہندوستان  نےبنگلہ دیش کو تیسرے اور آخری ٹی ٹونٹی انٹرنیشنل کرکٹ میچ میں 30 رنز سے شکست دے کر سیریز 2-1 سے اپنے نام کر لی۔ بنگلہ دیشی ٹیم 174 رنز کے ہدف کے تعاقب میں آخری اوور کی دوسری گیند پر 144 رنز بنا کر آؤٹ ہو گئی۔ محمد نعیم کی 81 رنز کی اننگز بھی ٹیم کو شکست سے نہ بچا سکی، ...