نیمار انجری کے باعث برازیل کے بقیہ فیفا ورلڈ کپ گروپ میچوں سے باہر

Source: S.O. News Service | Published on 26th November 2022, 11:28 AM | اسپورٹس |

دوحہ، 26؍نومبر (ایس او نیوز؍ایجنسی) فیفا  ورلڈ کپ 2022 کے افتتاحی میچ میں سربیا کے خلاف شاندار  صفر کے مقابلے دو گولوں سے جیت کے ایک دن بعدبرازیل  کے اسٹار کھلاڑی نیمار کو  اس میچ کے دوران ٹخنے کی چوٹ کا سامنا کرنے کی وجہ سے گروپ مرحلے کے بقیہ میچوں سے باہر کردیا گیا ہے۔ تاہم، نیمار کے لیے ٹورنامنٹ ختم نہیں ہوا ہے کیونکہ توقع ہے کہ وہ ناک آؤٹ میچوں کے لیے واپس آئیں گے۔

برازیل کے فارورڈ کے خلاف لوسیل آئیکونک اسٹیڈیم میں میچ کے دوران نو فاؤل کیے گئے ، جو اس ورلڈ کپ میں اب تک کسی بھی کھلاڑی کو سب سے زیادہ نشانہ بنایا گیا ہے،۔ 80ویں منٹ میں ان کو درد کی وجہ سے باہر بلا لیا گیا ۔ واضح رہےان کے ٹخنے میں چوٹ اس وقت لگی جب سربیا کے کھلاڑی نیکولا ملنکووچ  نے ان کو سختی سے روکا تھا۔

نیمار کو باہر بلاکر ان بینچ پر آئس پیک کے ساتھ ٹریٹمنٹ کیا گیا ۔ بعد ازاں اس کے ٹیسٹ کروائے گئے اور جمعہ کو ہوٹل میں ان کا علاج بھی ہوا۔

نیمار اب 28 نومبر کو سوئٹزرلینڈ کے خلاف اور 3 دسمبر کو کیمرون کے خلاف میچ نہیں کھیل سکیں گے، لیکن وہ 3 دسمبر سے شروع ہونے والے ناک آؤٹ گیمز کے لیے واپس ٹیم  میں شامل ہوں گے۔

نیمار نے ابھی تک برازیل کے لیے کوئی بڑی ٹرافی نہیں جیتی ہے۔ اگرچہ انہوں  نے برازیل کے لیے 2013 کا کانفیڈریشن کپ اور 2016 کے ریو ڈی جنیرو گیمز میں اولمپک گولڈ جیتا، لیکن انہوں نے ابھی تک کوئی بڑی ٹرافی نہیں جیتی ہے ۔ وہ برازیل کے لیے پیلے کا ریکارڈ توڑنے سے بھی دو گول پیچھے ہیں۔

ایک نظر اس پر بھی

نیوزی لینڈ کو 168 رنوں سے شکست دے کر ہندوستان نے ٹی-20 سیریز پر 1-2 سے کیا قبضہ

ہندوستان اور نیوزی لینڈ کے درمیان تین ٹی-20 میچوں کی سیریز کا تیسرا اور آخری مقابلہ احمد آباد کے نریندر مودی اسٹیڈیم میں کھیلا گیا۔ اس میچ میں پوری طرح سے ہندوستانی کھلاڑیوں کا دبدبہ رہا اور کئی ریکارڈ ٹوٹے۔ اس میچ میں ہندوستان کو 168 رنوں کی تاریخی فتح حاصل ہوئی اور اس کے ساتھ ...

ہندوستان نے پہلا انڈر 19 ویمنز ٹی۔ٹوئنٹی ورلڈ کپ جیت لیا،انگلینڈ کو7 وکٹوں سے شکست دی

ہندوستان نے پہلا انڈر 19 ویمنز ٹی۔ٹوئنٹی ورلڈ کپ جیت لیا.  فائنل میں انگلینڈ کو سات وکٹوں سے شکست دی۔ شیفالی ورما کی ٹیم کو جیت کے لیے 69 رنز کا ہدف ملا تھا۔ اس کے ساتھ ہی ٹیم انڈیا نے ہدف 3 وکٹوں  کے نقصان پر حاصل کر لیا۔

نیوزی لینڈ نے پہلے ٹی-20 میں ہندوستان کو 21رنوں سے شکست دے دی

ہندوستان اور نیوزی لینڈ کے درمیان ٹی-20 سیریز کا پہلا میچ رانچی میں کھیلا گیا، جس میں نیوزی لینڈ نے 21 رنوں سے جیت حاصل کی۔ واشنگٹن سندر نے ہندوستان کے لیے آل راؤنڈ کارکردگی کا مظاہرہ کیا لیکن وہ ٹیم انڈیا کو جیت سے ہم کنار نہیں کرا سکے۔ طوفانی نصف سنچری بنانے کے علاوہ سندر نے 2 ...

محمد سراج وَنڈے رینکنگ میں بنے دنیا کے نمبر 1 گیند باز

ہندوستان کے تیز گیندباز محمد سراج نے وَنڈے کرکٹ میں دنیا کے نمبر 1 گیندباز ہونے کا تمغہ حاصل کر لیا ہے۔ آئی سی سی کی تازہ وَنڈے رینکنگ منظر عام پر آنے کے بعد ہندوستانی کرکٹ شیدائیوں میں خوشی کی لہر دوڑ گئی ہے، کیونکہ عرصہ بعد وَنڈے کرکٹ میں کسی ہندوستانی گیندباز نے نمبر ایک کی ...

ہندوستان نے نیوزی لینڈ کو کلین سویپ کرکے ونڈے میں نمبر ایک مقام حاصل کرلیا

  ہندوستان نے کپتان روہت شرما (101) اور شبھمن گل (112) کی شاندار سنچریوں کی بدولت منگل کو تیسرے اور آخری ون ڈے میں نیوزی لینڈ کو 90 رن سے شکست دے کر ون ڈے سیریز 3-0سے جیت لی۔ ہندوستان نے پہلے بیٹنگ کرتے ہوئے 50 اووروں میں نو وکٹوں کے نقصان پر 385 رن بنائے۔ جواب میں نیوزی لینڈ کی پوری ٹیم 41.2 ...