ممبئی ،18؍اکتوبر (ایس او نیوز؍آئی این ایس انڈیا)نیوزی لینڈ نے 22اکتوبر سے ہندوستان کے خلاف شروع ہو رہی ونڈے سیریز سے قبل بورڈ چیئرمین کے خلاف دوسرے اور آخری پریکٹس میچ میں بہتر پرفارمینس کی امید جتائی ہے۔ نوجوان بورڈ چیئرمین کی ٹیم میں پرتھوی شا، کے ایل راہل اور کرون نائر ہیں اور اس ٹیم نے کین ولیمسن کی کیوی ٹیم کوپہلے پریکٹس میچ میں 30 رن سے ہرایا نیوزی لینڈ کے بلے بازوں کو ہندوستانی اسپنروں کلدیپ یادو ، اکچھرپٹیل اور یجویندر چہل کا سامنا کرنا ہے لیکن وہ شاہباز ندیم اور کرن شرما کو بھی نہیں کھیل سکے۔

میزبان ٹیم میں پرتھوی ایک بار پھر لوگوں کے توجہ کا مرکز ہوں گے جنہوں نے ٹرینٹ بولٹ ،ٹم ساوتھی اورایڈم ملنے کا بخوبی سامنا کیا۔ نیوزی لینڈ کے خلاف ونڈے سیریز کیلئے ٹیم سے باہر کئے گئی کے ایل راہل کے پاس اگلے رنجی میچ سے پہلے فارم میں آنے کا بہترین موقع ہے۔ حالانکہ سبھی کی نظریں17 برس کے شاہ پرہوگی جوسلیکٹروں کی توجہ اپنی طرف کھینچنا چاہیں گے۔نیوزی لینڈ کے ٹاپ آرڈر کوا سپنروں کے خلاف سنبھل کر کھیلنا ہوگا۔ کپتان کین ولیمسن اور ٹام لاتھم نے رن بنائے ہیں لیکن راس ٹیلر اور کولن منرو کو بہتر پرفارمینس کرنا ہوگا جو خراب شاٹ کھیل کر آوٹ ہوئے۔