کانگریس کو ہاتھ دے کرجگدیش شٹر کی بی جے پی میں گھر واپسی : کہا؛ کانگریس نے میرا احترام کیا، مقام ومنصب دیا ،شکریہ
نئی دہلی :25؍جنوری (ایس اؤ نیوز ) بی جےپی میں ہتک آمیزی کے بعد کانگریس میں شامل ہوکر ایم ایل سی بنے بی جےپی کے سابق وزیراعلیٰ جگدیش شٹر عین لوک سبھا انتخابات کے پیش نظر بی جےپی میں دوبارہ شامل ہوگئے ہیں۔ اس طرح انہوں نے کانگریس کو ہاتھ دے کر بی جے پی میں گھرواپسی کرلی ہے، سابق وزیر اعلیٰ بی ایس یڈیورپا ، ریاستی بی جے پی صدر بی وائی وجیندرا ، مرکزی وزیر بھوپیندر یادو، راجیو چندرشیکھر کےموجودگی میں جگدیش شٹر جمعرات کو بی جے میں شامل ہوئے۔
بی جےپی میں شامل ہونےسے پہلے جگدیش شٹر نئی دہلی میں بی ایس یڈیورپا، بی وائی وجیندرا کے ساتھ امیت شاہ کےگھر میں امیت شاہ کے ساتھ ملاقات کرتےہوئے بات چیت کی۔ گفتگو کے دوران جگدیش شٹر کو منانے میں امیت شاہ کامیاب ہوتےہی انہیں دوبارہ بی جےپی میں شامل ہونے کی ہدایت دی۔
کانگریس سے استعفیٰ :بی جےپی میں شامل ہونے سے پہلے جگدیش شٹر نے کانگریس پارٹی اور ایم ایل سی کے عہدے سے استعفیٰ دیا ۔ کے پی سی سی صدر ڈی کے شیوکمار اور ودھان پریشد کے اسپیکر بسوراج ہورٹی کو فیاکس کے ذریعے اپنااستعفیٰ روانہ کیا۔ استعفیٰ سے پہلے جگدیش شٹر نے اسپیکر بسوراج ہورٹی کو فون سے رابطہ کرتےہوئے بتایا کہ وہ اپنے ایم ایل سی کےعہدے سے استعفیٰ دے رہے ہیں۔ تب بسوراج ہورٹی نے کہاکہ خط کے ذریعے نہیں بلکہ راست ملاقات کرتےہوئے استعفیٰ دینے کی ہدایت دینے کی بات کہی جارہی ہے۔
پارٹی کا وفادار بن کر کام کرونگا:بی جےپی میں شامل ہونےکے بعد پارٹی دفتر میں بات کرتےہوئےجگدیش شٹر نے کہاکہ پارٹی لیڈران کی خواہش تھی کہ میں دوبارہ پارٹی میں شامل ہوجاؤں۔ امیت شاہ بہت ہی عزت و احترام سے میرا استقبال کیا ہے اور میرے بی جےپی میں شامل ہونے سے انہیں بہت خوشی ہوئی ہے۔ میں رکن پریشد سے استعفیٰ دے چکا ہوں اورکانگریس پارٹی کی پرائمری رکنیت سے بھی استعفیٰ دیا ہوں۔ استعفیٰ ای امیل کے ذریعے روانہ کئے جانےکی بات کہی۔
نریندر مودی کو دوبارہ وزیرا عظم دیکھنا چاہتا ہوں۔ میں ایک وفادار بن کر کام کرونگا۔ کانگریس پارٹی نے بھی مجھے بہت اچھی عزت دی ، احترام کیا اور مقام و مرتبہ سے بھی نوازا۔ میں کانگریس لیڈران وزیر اعلیٰ سدرامیا ، کے پی سی سی صدر اور نائب وزیر اعلیٰ ڈی کے شیوکمار کا شکریہ ادا کرتاہوں۔ سابق وزیرا عظم ایچ ڈی دیوے گوڈا نے موبائیل کے ذریعے جگدیش شٹر کی بی جے پی میں شمولیت کی کارروائی کا نظارہ کیا۔ ہاسن ضلع آلور شہر میں منعقدہ جے ڈی ایس لیڈران اور کارکنان میٹنگ میں بیٹھ کر دیوے گوڈا نے جگدیش شٹر کی بی جےپی میں دوبارہ شمولیت کا منظر اپنے معاون کے ذریعے دیکھا۔