کاروار :18؍جولائی  (ایس اؤ نیوز) اترکنڑا ضلع میں آفات سماوی سے نمٹنے اور نگرانی کے لئے ضلع انتظامیہ کی جانب سے جدید ٹکنالوجی سے آراستہ ضروری اشیاء خریدنے کا فیصلہ لئےجانے کی  اترکنڑا ڈپٹی کمشنر ڈاکٹر ہریش کمار نے بات بتائی ۔

اس سلسلے میں ڈی سی نے جانکاری دیتے ہوئے بتایا کہ آفات سماوی سے ہونےو الے نقصانات کو دیکھتے ہوئے جدید آلات اور اشیاء خریدی جائیں گی۔ ریاستی حکومت نے اسی زمرے ے لئے 50لاکھ روپئے خصوصی فنڈ منظور کیا ہے۔ ضلع نگراں کاروزیرآر وی دیش پانڈے نے خاص توجہ دینے سے فنڈ منظور ہونےکی بات کہی۔ ضلع انتظامیہ کی طرف سے ڈرون کیمرہ ، تابکاری ماپنے والی مشین (Radiation Measuring Machine)،موٹر سے چلنے والی کشتی وغیرہ شامل ہیں۔ ڈی سی نے بتایا کہ اشیاء کی خریداری کے لئے ٹینڈر بلایا جاچکا ہے۔

ڈی سی نے بتایا کہ پولس محکمہ کی طرف سے مطالبہ تھا کہ  آفات سماوی کے دوران ڈرون کیمرے کی ضرورت ہے، ایک معیاری اور سہولیات سے آراستہ ڈرون کیمرہ 13لاکھ روپیوں سے خریدا جارہاہے، کیمرے کو پولس محکمہ کے حوالے کیا جائے گا۔ ندی یا پانی میں  ہوئے حادثات کے موقعوں پر ان پلیٹ بوٹ کی ضرورت ہے۔ قریب 10لاکھ روپیوں کی لاگت سے بوٹ خریدی جانےکی بات کہی۔

ضلع کے کئیگا پاور پلانٹ کے اطراف والے علاقوں میں تابکاری (ریڈیئشن ) کو لےکر کئی طرح کی افواہیں گردش میں رہتی ہیں۔ پلانٹ کے جاری رہتے کسی طرح کے ریڈیئشن کی رسائی ممکن نہیں ہے، اس کے باوجود پیشگی اقدام کے طورپر تابکاری ناپنے والی مشین خریدنے کی بات کہی۔  اس کے علاوہ بقیہ حیات تحفظ جاکٹ (لائف جاکٹ)، فوری علاج کٹ(ایمرجنسی ایڈ کٹ)سمیت مختلف تحفظاتی آلات کو خریداجارہاہے۔ ٹینڈر کی کارروائی مکمل ہوگئی ہے۔ 15اگست تک تمام کارروائیاں مکمل ہوکر آفات سماوی نگراں شعبہ میں شامل ہونےکی جانکاری دی۔