مرڈیشور میں دھوم دھام سے منایاگیا مہارتھ اتسوا
بھٹکل:20؍جنوری(ایس اؤ نیوز)سیاحتی مقام مرڈیشور میں پیر کو ہزاروں بھگتوں کی شرکت کے ساتھ تاریخی مہا رتھ اتسوا دھوم دھام سے منایا گیا۔
پیر کی صبح سے ہی بھگت قطار میں کھڑے رہ کر مہا شیو رتھ کی پوجا کی اور اپنی منتوں کو پورا کرنے کےلئے پھل وغیرہ پیش کئے۔ ضلع بھر کے کئی مقامات سے بھگت جاترے میں شرکت کے لئے آئے ہوئے تھے۔ شام 30-05بجے کے قریب مرڈیشور مندر انتظامیہ کی طرف سے انتظامیہ کے ذمہ دار ڈاکٹر آر این شٹی ، شری پاد کامت نے شیو کی پوجا کی اور رتھ کھینچنے کا افتتاح کیا۔ اولگا منٹپ کا چکر لگا کر رتھ دوبارہ مندر پہنچا ۔ اس موقع پر کھلونے ، مٹھائی ، فیشن کی دکانیں لگائی گئی تھیں۔
رکن اسمبلی سنیل نائک، سابق رکن اسمبلی منکال وئیدیا، تعلقہ پنچایت صدر ایشور نائک، ضلع پنچایت ممبر سندھو بھاسکر نائک، گوپال نائک، کرشنا نائک، ایس ایس کامت، پانڈونائک، موہن نائک وغیرہ موجود تھے۔ اے ایس پی نکھیل بی کی نگرانی میں سی پی آئی پرکاش کی رہنمائی میں پولس سکیورٹی کے انتظامات کئے گئے تھے۔
