بھٹکل:5؍فروری(ایس اؤ نیوز)مرڈیشور کے کائی کنی بستی میں ہوئے چاقو حملہ معاملےمیں زخمی شخص سنتما ناگپا نائک نے کلیدی ملزم موہن تمیا نائک سمیت ضلع پنچایت ممبر البرٹ ڈیکوستھا اور دیگر پانچ افراد کے خلاف پولس میں شکایت درج کرائی ہے اور الزام لگایا ہے کہ کائی کنی گرامین سہکاری سنگھا کے انتخابات کے معاملے کو لےکر اُن پر حملہ کیاگیا ہے۔
بقیہ ملزمین کی شناخت راما سکرا نائک تیرن مکی، گنیش جینت نائک کنڑا اسکول ماولی -2،دیپک راجو نائک جنتا کالونی تیرن مکی کائی کنی ، اکھلیش نائک جنتا کالونی تیرن مکی ، گوپال تمپا موگیر جنتا کالونی تیرن مکی کے طورپر کی گئی ہے۔
شکایت درج کرلینے کے بعد مرڈیشور پولس جانچ کررہی ہے۔ اس سے پہلے بتایا جارہا تھا کہ زمین کے آپسی معاملے کو لے کر موہن نائک نے ناگپا پر حملہ کیا تھا، مگر اب انتخابات کے معاملے کو لے کر حملہ کئے جانے کا الزام لگایا گیا ہے اور سات افراد کے خلاف معاملہ درج کیا گیا ہے۔