بھٹکل:19؍اگست)ایس اؤ نیوز)ممبئی کی سدگرو شری انیرودھ باپو اُپاسنا ٹرسٹ کی جانب سے بائیلور کی سرکاری پرائمری اسکول کے طلباکے درمیان مفت میں نوٹ بک تقسیم کئے گئے۔
تعلیمی وسائل مرکز کی افسر یلما نے پروگرام کا افتتاح کرنے کے بعد خطاب کرتےہوئے شری انیرودھ ٹرسٹ کے تعاون کی ستائش کی۔والدین سے کہاکہ وہ اپنے بچوں کی ترقی کے متعلق فکر کریں۔ اسکول ترقی بورڈ کے صدر شنکر دیواڑیگا نے پروگرام کی صدارت کی۔ استاد محمد رفیق نے افتتاحی کلمات پیش کرتے ہوئے کہاکہ شری انیرودھ ٹرسٹ کی جانب سے ابھی تک 8500طلبا کے درمیان 10لاکھ روپیوں کے نوٹ بک تقسیم کئے جانےکی جانکاری دی ۔ کیشوؤ بلسے نے بھی اپنے خیالات کااظہار کیا۔ اسکول کی صدر مدرسہ گیتا نیتریکر نے استقبال کیا تو استاد ایم ٹی گوڈا نے شکریہ اداکیا۔ وجئے گنگا نے نظامت کی۔