بھٹکل:23؍جنوری(ایس اؤ نیوز)ماحولیاتی تحفظ پالیسی کمیٹی کو سپریم کورٹ سے نامزد ممبر وکیل آل میترا پاٹل جمعرات کو بھٹکل کا دورہ کرتے ہوئے شہر کے کچرا نکاسی مرکز کے متعلق افسران سے جانکاری حاصل کی۔

کچرا نکاسی کے متعلق گزشتہ 2دہوں سے کیا کیا کام ہوا اور اس میں کتنا سدھار آیا ہے  اس کا جائزہ لینے کے بعد وکیل آل میترا نے غریبوں کے لئے تن ڈھانکنے کا بہترین کام انجام دینے والی ’کپڑا بینک ‘ کا دورہ کرتےہوئے معائنہ کیا اور اس کی ستائش کی۔ شام کو ساگر روڈ پر واقع کچرانکاسی مرکز پہنچ کر معائنہ کیا۔ اس کے بعد اخبارنویسوں سے گفتگو کرتے ہوئے کہاکہ پچھلے کئی دہوں سے صفائی مہم کے تحت ملک بھر کا دو رہ کرتی رہی ہوں۔ 1996میں سپریم کورٹ میں عرضی داخل کرتےہوئے کچرا نکاسی اور صفائی کے متعلق اقدامات کا مطالبہ بھی کی ہوں۔ اس موقع پر بھٹکل چیف آفیسر دیوراج، جالی پنچایت چیف آفیسر وینوگوپال شاستری وغیرہ موجود تھے۔