آج جمعرات کو بھٹکل میں 4 صفر المظفر؛ اتوار شام کو چاند دیکھے جانے کی رویت ثابت؛ بھٹکل قاضی صاحبان کا اعلان
بھٹکل 3/اکتوبر (ایس او نیوز) بھٹکل قاضی صاحبان نے اعلان کیا ہے کہ اتوار29/محرم کی شام کو پڑوسی ریاست کیرالہ کے کاسرکوڈ میں چاند دیکھے جانے کی رویت ثابت ہوگئی ہے، اس مناسبت سے پیر 30ستمبر کو یکم صفر المظفر 1441 ہے، جس کی مناسبت سے آج جمعرات کو صفر کی 4 تاریخ ہے۔
قاضی صاحبان نے بتایا کہ کاسرکوڈ میں چاند دیکھے جانے کی خبر کل بدھ کی شام کو موصول ہوئی تھی، ضروری تحقیق کے بعد آج اس بات کا اعلان کیا جارہا ہے کہ پیر کو ہی یکم صفر ہے۔
قاضی صاحبان مولانا محمد اقبال مُلا ندوی، مولانا خواجہ معین الدین اکرمی مدنی، مولانا عبدالعظیم قاضیا ندوی اور مولانا عبدالرب خطیبی ندوی اس موقع پر موجود تھے۔