بھٹکل 8/مئی (ایس او نیوز)  بھٹکل الوے کوڈی بندر کے قریب بحرعرب میں  بوٹ سے گر کر ایک ماہی گیرشدید زخمی ہوگیا جس کی شناخت تعلقہ کے بینگرے کے رہائشی گریش دیواڑیگا (35) کی حیثیت سے کی گئی  ہے۔

بتایا گیا ہے کہ گریش بوٹ پر سوار مچھلیوں کا شکار کرنے کی غرض سے سمندر میں جیسے ہی جالا پھینکا، اسکا پیر جالے میں پھنس گیا اور گریش خود جالے کے ساتھ سمندر میں گرگیا۔ بوٹ پر سوار دیگر ماہی گیروں نے اسے سمندر میں گرنے کے کچھ ہی دیر بعد باہر نکالا اور سیدھے بھٹکل سرکاری اسپتال منتقل کیا، جہاں ابتدائی طبی امداد کے بعد نازک حالت میں منی اسپتال لے جایا گیا ہے۔