محمد سراج نے ظہیر اور کمبلے کو پیچھے چھوڑ کپل دیو کے ریکارڈ کی برابری کی

Source: S.O. News Service | Published on 17th August 2021, 11:51 PM | اسپورٹس |

لندن، 17؍اگست(ایس او نیوز؍ایجنسی) تاریخی لارڈس کے میدان پر ہندوستانی ٹیم نے انگلینڈ کو 151 رنوں سے شکست دے کر فتح کا پرچم تو لہرایا ہی، اس ٹیسٹ میچ میں کئی ریکارڈ بھی ٹوٹے۔ اس دوران ہندوستان کے تیز گیندباز محمد سراج نے بھی ایک ریکارڈ بنایا جس پر کم ہی لوگوں کی نظر گئی۔ دراصل انھوں نے لارڈس میں کھیلے گئے اپنے پہلے ٹیسٹ میں 8 وکٹ لیے اور یہ کارنامہ کرنے والے ہندوستان کے واحد گیندباز کپل دیو تھے۔ گویا کہ محمد سراج نے کپل دیو کے ریکارڈ کی برابری کر لی ہے۔

محمد سراج نے لارڈس ٹیسٹ کی دونوں اننگز میں 4-4 وکٹ لیے۔ کپل دیو نے 1982 میں 8 وکٹ لینے کا کارنامہ انجام دیا تھا اور انھوں نے پہلی اننگ میں 5 وکٹ اور دوسری اننگ میں 3 وکٹ لیے تھے۔ کپل کے علاوہ سابق تیز گیندباز ظہیر خان، آر پی سنگھ اور موجودہ کھلاڑی ایشانت شرما لارڈس میں ایک ٹیسٹ میں 7-7 وکٹ لے چکے ہیں۔ اس میدان پر سب سے زیادہ وکٹ لینے والے کھلاڑیوں کی بات کریں تو اس میں ایشانت سرفہرست ہیں۔ ایشانت نے یہاں اب تک 17 وکٹ لیے ہیں۔ ان کے بعد دوسرے نمبر پر اسپن کے جادوگر انل کمبلے کا نام آتا ہے جنھوں نے لارڈس میں مجموعی طور پر 12 وکٹ لیے۔

واضح رہے کہ لارڈس ٹیسٹ کی آخری اننگ میں ہندوستانی تیز گیندبازوں نے پہلے بلے بازی سے کمال دکھایا، اور پھر اپنی بہترین گیندبازی سے انگلینڈ کی بلے بازی کو تہس نہس کر دیا۔ ہندوستان نے میچ کے پانچویں اور آخری دن انگینڈ کے سامنے 60 اوور میں 272 رن کا ہدف رکھا تھا، لیکن محمد سراج (32 رن دے کر 4 وکٹ)، جسپریت بمراہ (33 رن دے کر 3 وکٹ)، ایشانت شرما (13 رن دے کر 2 وکٹ)، اور محمد سمیع (13 رن دے کر 1 وکٹ) نے انگلش ٹیم کو 52ویں اوور میں ہی 120 رن پر آل آؤٹ کر دیا۔

ایک نظر اس پر بھی

تمل ناڈو نے تیسری بار سیدمشتاق علی ٹرافی کا خطاب جیتا

دھماکہ خیز بلے باز شاہ رخ خان کی 15 گیندوں پر 33 رن کی زبردست اننگ کی بدولت تمل ناڈو نے یہاں پیر کو دہلی کے ارون جیٹلی اسٹیڈیم میں فائنل مقابلے میں کرناٹک کو چار وکٹ سے شکست دے کر تیسری بار سید مشتاق علی ٹرافی کاخطاب جیت لیا۔

ہندوستان کا کلین سویپ، نیوزی لینڈ کو 3-0 سے دی شکست

کپتان روہت شرما (56) کی شاندار نصف سنچری ، لیفٹ آرم اسپنر اکشر پٹیل (9 رن پر 3 وکٹ ) اور آل راؤنڈر ہرشل پٹیل (18 اور 26 رن پر دو وکٹ) کی بدولت ہندوستان نے نیوزی لینڈ کو تیسرے اور آخری ٹی ٹوئنٹی میں اتوار کو 73 رن سے ہراکر تین میچوں کی سیریز میں 3-0 سے کلین سویپ کر لیا۔