درونہ چاریہ ایوارڈ کے لئے وجے شرما اورتارک سنہا کے نام کی سفارش

Source: S.O. News Service | By Shahid Mukhtesar | Published on 18th September 2018, 12:01 PM | اسپورٹس |

نئی دہلی، 18 ستمبر (ایس او نیوز؍آئی این ایس انڈیا ) ہندوستانی خاتون ویٹ لفٹرمیر ابائی چانو کے کوچ وجے شرما اور تجربہ کار کرکٹ کوچ تارک سنہا کا نام درونہ چاریہ ایوارڈ کے لئے بھیجا گیا ہے۔ ان دونوں کے علاوہ پانچ مزید لوگوں کے نام بھی اس ایوارڈ کے لئے سلیکشن کمیٹی کو بھیجے گئے ہیں۔ ان میں کلارینس لوبو (ہاکی)، جیون شرما (جوڈو)، سی اے کٹپا (باکسنگ)، سرینواس راؤ اور سندیپ گپتا (ٹیبل ٹینس) شامل ہیں۔اس کے علاوہ دھیان چند ایوارڈ کے لئے بھرت چھیتری (ہاکی)، سچ دیو پرساد (تیر اندازی)، داڈو چووگل (کشتی) اور بابی ایلوئسیس(ایتھلیٹکس) کے نام کی سفارش کی گئی ہے۔واضح ہو کہ دروناچاریہ اعزاز چار سالوں میں مسلسل غیر معمولی اور شاندار کام کے لئے کوچوں کو دیا جاتا ہے۔ وہیں، دھیان چندایوارڈ کھلاڑیوں کو ان کی زندگی کی حصولیابی کے لئے دیا جاتا ہے، جس کے سرگرم کیریئر اور ریٹائرمنٹ کے بعد کھیل کو دیا گیا تعاون شامل ہے۔ روایت سے ہٹتے ہوئے اس سال کھیل ایوارڈ ہر سال کی طرح 29 اگست کو عظیم ہاکی کھلاڑی میجر دھیان چند کی سالگرہ کی جگہ 25 ستمبر کو دیے جائیں گے۔قابل ذکر ہے کہ ان انعامات کے لئے امیدواروں کے انتخاب کے لئے ایک کمیٹی قائم کی گئی تھی، جس میں سابق قومی باکسنگ کوچ جی ایس سندھو، ہاکی کوچ اے کے بنسل اور تیر اندازی کوچ سنجیو سنگھ کے علاوہ بھارتی کھیل اتھارٹی کے خصوصی ڈائریکٹر جنرل اونکارکیڈیا اور جوائنٹ سکریٹری ( کھیل) اندر دھمیجاشامل ہیں۔ کمیٹی میں دو کھیل صحافی اور ٹارگیٹ اولمپکس پوڈیم منصوبہ کے سی ای او کمانڈر راجیش راجگوپالن کو بھی شامل کیا گیا ہے۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...