کاروار:25؍اکتوبر(ایس اؤ نیوز) ضلع روزگار دفتر کی جانب سے 31اکتوبر کی صبح 30-10بجے سے دوپہر 2بجے تک شہر کے سرکاری آرٹس اینڈ سائنس ڈگری کالج میں بے روزگاروں کو روزگار فراہم کرنےکےلئے ’’ منی روزگار میلہ ‘‘ کا انعقاد کئے جانے کے متعلق پریس ریلیز کے ذریعے جانکاری دی گئی ہے۔

میلےمیں ایس ایس ایل سی، پی یوسی، آئی ٹی آئی (فٹر، ویلڈر، میکانکل، ایم ایم وی، ڈیزل )۔ دپلوما (میکانکل ، سول، آٹو موبائیل) اور بی ای میکانیکل ، بی ایس سی بیالوجی ، کیمسٹری ۔ بی کام ، بی بی ایم، بی بی اے ، ایم کام، ایم بی اے (فائنانس) ڈگری ہولڈر س کو زیادہ کی تعداد  میں شریک ہوکر استفادہ کرنےکی اپیل کی گئی ہے۔

روزگارمیلے میں مقامی کمپنیوں سمیت بنگلورو کی کمپنیاں بھی شریک ہونےکے امکانات ہیں اور ریاست کے مختلف مقامات پر 300 سے زائد روزگار میسر ہونے کی جانکاری دی گئی ہے۔ اہل اور خواہش مند طلبا سے وقت مقررہ پر شریک ہونے کی اپیل کی گئی ہے۔ اس سلسلےمیں زائد معلومات کے لئے روزگار دفتر کو بالمشافہ ملاقات کرنے یا موبائیل نمبر 9481403800-9481274298اور 08382-226386 پر رابطہ کرنےکہاگیا ہے۔