بھٹکل 26 نومبر (ایس او نیوز)  کل اتوار کو مجلس اصلاح و تنظیم بھٹکل کے زیر اہتمام اور بھٹکل مسلم یوتھ فیڈریشن کے تعاون سے تنظیم   دفتر میں  میگا ووٹر رجسٹریشن کیمپ منعقد کیا گیا ہے جس میں نئے ناموں کا بھی اندراج ہوگا ساتھ ساتھ  لوگوں کے لئے سہولت فراہم کی گئی ہے کہ وہ اپنے نام کی جانچ کریں کہ آیا اُن کا نام ووٹرلسٹ میں ہے یا نکل گیا ہے۔

بتاتے چلیں کہ ریاست کرناٹک میں کم و بیش   16 لاکھ لوگوں کے نام ووٹرلسٹ سے غائب ہونے کی اطلاعات موصول ہونے کے بعد عوام کے لئے ضروری ہے کہ وہ ووٹرلسٹ کی جانچ کریں کہ  ان کا  نام لسٹ میں   درج ہے یا نکل گیا ہے۔ اگر نام نکل گیا ہے تو اس کیمپ میں  اپنا نام دوبارہ  داخل کرائیں۔  اسی طرح کسی کی موت ہونے پر ووٹرلسٹ سے نام نکالنا ہو تو ڈیتھ سرٹی فیکٹ کے ساتھ  تنظیم دفتر میں ہی نام نکالنے کی بھی سہولت ہوگی۔

ووٹررجسٹریشن کیمپ  صبح 09:30 بجے  شروع ہوکر عصر   04:30 تک چلے گا۔

تنظیم کی طرف سے  جاری کی گئی پریس ریلیز کے مطابق  ووٹر لسٹ میں نام داخل کرنے کے لئے  مندرجہ ذیل  کاغذات  ساتھ لے جانا ضروری ہے۔

(1) پاسپورٹ سائز فوٹو (ایک عدد) (2) برتھ سرٹی فیکٹ یا ٹی سی کی زیروکس کاپی

(3) آدھار کارڈ کی زیر کس کاپی (4) والد یا والدہ کے وو ٹرائی ڈی کارڈ کی زیر وکس کاپی

(5) گھر کے راشن کارڈ کی زیر وکس کاپی

میگا ووٹررجسٹریشن کیمپ  میں  پہلے سے موجود ناموں میں تصحیح (Correction) کی  بھی کی جاسکے گی۔ اسی طرح جن لوگوں کی عمر 18 سال ہوچکی  ہے یا جن کی پہلے سے ووٹرلسٹ میں نام درج نہیں ہے، وہ اوپر بتائے گئے  کاغذات کے ساتھ   اپنا نام ووٹرلسٹ میں درج کراسکیں گے۔

واضح رہے کہ  حکومت کے  فرمان کے مطابق ووٹرلسٹ میں نام درج کرنے کی آخری تاریخ 8 ڈسمبر ہے ، جس کو دیکھتے ہوئے تنظیم دفتر میں جنگی پیمانے پر ناموں کے اندراج کی سہولت فراہم کی جارہی ہے۔ عوام الناس سے اپیل کی گئی ہے کہ وہ اس موقع کا فائدہ اُٹھائیں۔