پیرس، 2؍جون (ایس او نیوز؍ایجنسیز) دو بار کی سابق چیمپئن روس کی ماریا شاراپووا نے اپنی شاندار کارکردگی جاری رکھتے ہوئے ہفتہ کو یکطرفہ جیت کے ساتھ سال کے دوسرے گرینڈ سلیام فرنچ اوپن ٹینس ٹورنمنٹ کے چوتھے راؤنڈ میں داخلہ حاصل کر لیا لیکن ایک الٹ پھیر میں آٹھویں سیڈ جمہوریہ چیک کے پیٹرا کیویتووا ہار کر باہر ہو گئیں۔دو بار یہاں چیمپئن رہ چکی 28 ویں سیڈ شاراپووا نے چھٹی سیڈ جمہوریہ چیک کی کیرولینا پلسکووا کو صرف 59 منٹ میں 6۔2 ،6۔1 سے ہرا دیا۔روسی کھلاڑی نے جیت کے بعد کہاکہ میں جانتی تھی کہ میرا مقابلہ ایک مشکل مخالف سے ہے تو میں جارحانہ کھیلی، اسمارٹ کھیلی اور میں نے تمام چیزیں صحیح کیں جس سے میں اگلے راؤنڈ میں پہنچ گئی۔گرینڈ سلیام فاتح اور آٹھویں سیڈ کیویتووا کو 25 ویں سیڈ ایسٹونیا کی اینیٹ کوٹاوت نے ٹائی بریک تک چلے دونوں سیٹ میں 7۔6 ،7۔6 سے شکست دے کر باہر کر دیا۔اس ہار کے ساتھ کیویتووا کا 13 میچوں کا جیت کا سلسلہ تھم گیا۔کیویتووا نے گزشتہ ماہ میڈرڈ اوپن کا خطاب جیتا تھا لیکن یہاں ان کا سفر تیسرے راؤنڈ میں تھم گیا۔ہندوستان کے لئے فرانسیسی اوپن میں آج کا دن کافی مایوس کن رہا جب یوکی بھامبری، دوج پناہ اور روہن بوپنا مختلف مقابلوں میں ہار کے ساتھ اس کلے کورٹ گرینڈسلیام ٹورنمنٹ سے باہر ہو گئے۔سب سے پہلے یوکی اور شرن کی جوڑی مرد ڈبلز میں کورٹ پر اتری لیکن اولیور مراچ اور میٹ پاوچ کی جوڑی کو دوسرے راؤنڈ میں 7-5 6-3 سے جیت درج کرنے سے نہیں روک پائی۔اپنے کیریئر میں پہلی بار فرانسیسی اوپن میں کھیل رہے یوکی اس سے پہلے سنگلس میں بھی اپنا میچ ہار گئے تھے جس سے ٹورنمنٹ میں ان کا چیلنج ختم ہو گیا۔شرن اس کے بعد جاپان کی شکو اویاما کے ساتھ مکسڈ ڈبلز مقابلے کے لئے کورٹ پر اترے لیکن پہلے سیٹ جیتنے کے باوجود یہ جوڑی پہلے راؤنڈ کے میچ میں قطرینہ سریبوٹنک اور سینٹیاگو کے خلاف 6-2 3-6 5-10 کی فتح کے ساتھ مقابلہ سے باہر ہو گئی۔مکسڈ ڈبلز کے خطاب کا دفاع کرنے اترے بوپنا اور ان کی جوڑی دار ٹیمیا بابوس کو بھی جان پیئرس اور شوائی جانگ کے خلاف یکطرفہ مقابلے میں 2-6 3-6 کی شکست کا سامنا کرنا پڑا۔بوپنا نے گزشتہ سال کینیڈا کی گیبلا دابرووسکی کے ساتھ مل کر اپنا پہلا گرینڈسلیام ٹائٹل جیت لیا تھا۔بوپنا چیلنج حالانکہ مرد جوڑے میں برقرار ہے جہاں انہوں نے گزشتہ رات ایڈورڈ راجر ویسلین کے ساتھ مل کر تیسرے راؤنڈ میں جگہ بنائی۔