بھٹکل میں دستک دے رہا ہے مانسون؛ نہیں کم ہورہا ہے گرمی کا زور؛ طوفانی ہوائیں نہ چلنے کے باوجود بجلی ہورہی ہے بار بار فیل؛ عوام ہنوز پریشان

Source: S.O. News Service | By I.G. Bhatkali | Published on 10th June 2019, 1:44 PM | ساحلی خبریں |

بھٹکل 10/جون (ایس او نیوز) عید کی رات یعنی 6 جون  شب  کو ہی بھٹکل میں پہلی بارش کے ساتھ مانسون نے  دستک دے دیا ہے، اس رات  موسلادھار بارش ہوئی تھی اور بادلوں کی گرج کے  ساتھ بجلیاں بھی چمک رہی تھی، لگ رہا تھا کہ اب بارش کا سلسلہ شروع ہوجائے گا مگر اگلے دن  بارش کے کوئی آثار نظر ہی نہیں آئے،   8/جون کی شب کو پھر ایک بار موسلادھار بارش کے ساتھ ہی لگا کہ  گرمی کا زور اب  کم پڑ جائے گا، مگر بارش رُکتے ہی گرمی واپس شباب پر پہنچ گئی۔ آج  پیر کو بھٹکل میں صبح سے بارش کے آثار نظر آرہے تھے اور دوپہر کو ہلکی ہلکی بارش بھی شروع ہوگئی، مگر  گرمی کی شدت میں کمی ہوتی نظر نہیں  آرہی ہے۔

شہر میں گرمی کی شدت اور پانی  کی قلت سے لوگ پہلے سے پریشان  ہیں، ایسے میں بجلی کے بار بار فیل ہوجانے سے عوام کی پریشانیوں میں مزید اضافہ ہوگیا ہے۔ عید سے دو دن قبل  دو راتوں کو مسلسل بجلی  فیل ہوئی تھی تو عوام نے عید الفطر کی صبح ہی  الیکٹری سٹی دفتر پہنچ کر ہنگامہ کیا تھا اور سخت احتجاج کرتے ہوئے  ہیسکام کے اسسٹنٹ انجیینر کو معطل کرنے  کا مطالبہ کیا تھا، اس موقع پر سماجی ادارہ مجلس اصلاح و تنظیم کے  ذمہ دارن بھی موقع پر پہنچ گئے تھے اور بجلی فیل ہونے کو لے کر سخت ناراضگی ظاہر کی تھی،  مگر  بجلی کی کٹوتی میں کمی ہونے کے بجائے اس میں اب اضافہ ہی دیکھا جارہا ہے۔

نہ بارش نہ طوفان، مگر  بجلی فیل:

 عوام اس بات کو لے کر پریشان ہیں کہ ابھی شہر میں طوفانی ہوائیں نہیں چل رہی ہیں ، طوفانی بارش بھی شروع نہیں ہوئی ہے اور بار بار بجلی  غائب ہورہی ہے تو  بارش کا سلسلہ شروع ہونے کے بعد شہر میں الیکٹری سٹی کا کیا حال ہوگا ؟

اس تعلق سے  محکمہ  الیکٹری سٹی کی طرف سے بجلی فیل ہوتے ہی  اخبارنویسوں  کے لئے جاری کئے گئے   وہاٹس ایپ گروپ پر   بار بار وضاحت کی جارہی ہے  جس میں ایک دن  کمٹہ میں مین لائن  فاولٹ ہونے کی بات کہی جارہی ہے  تو اگلی بار ہوناور، مرڈیشور اور دیگر علاقوں میں  لائن میں خرابی ہونے اور درستگی کا کام انجام دئے جانے کی بات کہی جارہی ہے۔ جب محکمہ سے سوال کیا جاتا ہے کہ ایسا بار بار کیوں ہورہا ہے  کیا  غیر معیاری  کام  اس کے لئے ذمہ دار ہے تو محکمہ کی جانب سے جواب موصول نہیں ہورہا ہے۔

بھٹکل اسسٹنٹ کمشنر کو جانچ کرکے رپورٹ دینے کا حکم:

   بھٹکل میں رمضان کے بابرکت مہینہ میں بار بار بجلی نکالے جانے اور عین عید کی رات کو پوری رات بجلی  سپلائی بند  ہوجانے  کے بعد جہاں ایک طرف عید کی صبح ہی ہیسکام دفتر میں کافی تعداد میں عوام جمع ہوگئے تھے اور ہنگامہ مچایا تھا، وہیں اگلے روز  قومی سماجی ادارہ  مجلس اصلاح و تنظیم کی جانب  سے بھٹکل اسسٹنٹ کمشنر کو ایک میمورنڈم پیش کیا گیا تھا جس میں بھٹکل ہیسکام اسسٹنٹ انجینر کو معطل کرنے کا مطالبہ کیا گیا تھا، اس تعلق سے  جب ساحل آن لائن نے  تنظیم کے اہم ذمہ دار جناب عنایت اللہ شاہ بندری سے   رابطہ کرتے ہوئے تازہ  پیش رفت کے تعلق سے دریافت کیا تو انہوں نے بتایا کہ   اس تعلق سے  بھٹکل کے اسسٹنٹ کمشنر ساجد مُلا نے اُنہیں خبر دی ہے کہ  کاروار ڈپٹی کمشنر نے  اُنہیں (یعنی  اسسٹنٹ کمشنر کو)   جانچ کرکے رپورٹ دینے  کی ہدایت دی ہے۔ اسسٹنٹ کمشنر نے یہ بھی  بتایا ہے کہ آج پیر سے  جانچ شروع کی جارہی ہے۔

ایک نظر اس پر بھی

علاج کے لئے منگلور جانے والے توجہ دیں: منگلورو اور اڈپی کے اسپتالوں میں کل 17جون کو او پی ڈی خدمات رہیں گی بند

 بھٹکل اور اطراف سے کافی لوگ  علاج معالجہ کے لئے پڑوسی ضلع اُڈپی اور مینگلور کے اسپتالوں کا رُخ کرتے ہیں،  ان کے لئے  بری  خبر یہ ہے کہ کل  ڈاکٹروں کے احتجاج کے پیش نظر  مینگلور اور اُڈپی کے اسپتالوں میں باہری  مریضوں  کا علاج  نہیں ہوگا۔

آئی ایم اے میں سرمایہ کاری کرکے دھوکہ کھانے والے متاثرین کی قانونی مدد کے لئے اے پی سی آر کی خدمات دستیاب

آئی ایم اے میں سرمایہ کاری کرکے دھوکہ کھانے والے متاثرین کی قانونی رہنمائی اور اُن کی  مدد کے لئے  اسوسی ایشن فور پروٹیکشن آف سیول رائٹس  (اے پی سی آر)  کی خدمات حاصل کی جاسکتی ہے۔جن  لوگوں نے  اپنی چھوٹی چھوٹی سرمایہ  کاری  اس کمپنی میں کی تھی اور اب وہ کنگال ہوچکے ہیں، اے پی ...