حادثہ میں بھٹکل پی ایل ڈی بینک ڈائرکٹر منجو ناتھ نائک ہلاک
بیندور، 24؍اگست (ایس او نیوز) بیندور کے قریب راہوتنا کٹَے کے پاس نیشنل ہائی وے پر کراس کرتے وقت بائک کی ٹکر سے بھٹکل جالی کے رہنے والے پی ایل ڈی بینک کے ڈائریکٹر اور بی جے پی لیڈر منجوناتھ درگپّا نائک (44 سال) کی موت واقع ہوگئی ۔ جبکہ بائک سوار کرن (21 سال) کو اپوندا کا رہنے والا ہے ، وہ شدید زخمی ہوگیا ہے ۔
بتایا جاتا بھٹکل جالی کے رہنے کچھ لوگوں کی ٹیم ٹیمپو ٹریاکس پر سوار ہوکر دھرمستھلا گئی ہوئی تھی ۔ واپسی کے وقت یہ لوگ راہوتنا کٹے کے پاس رک گئے ۔ نیشنل ہائی وے کراس کرکے سامنے دکان سے مچھلیاں خریدنے کے لئے جاتے وقت منجوناتھ نائک کو بیندور کی طرف سے آنے والی بلیٹ بائک نے ٹکر ماری ۔ ٹکر اتنی شدید تھی کہ منجوناتھ نائک نے موقع پر ہی دم توڑ دیا ۔ دوسری طرف بائک سوار اچھل کر ڈیوائڈر پر گر گیا جس سے وہ بھی شدید زخمی ہوگیا، جسے علاج کے لئے کنداپور کے ہاسپٹل میں منتقل کیا گیا ۔ منجو ناتھ نائک فوت ہونے کی اطلاع ملتے ہی بھٹکل ایم ایل اے سمیت سینکڑوں لوگ بیندور اسپتال کے احاطہ میں جمع ہوگئے ۔
حادثہ کی خبر ملنے پر بیندور پولیس اسٹیشن کے پی ایس آئی پون نائیک اور عملہ نے موقع پر پہنچ کر معائنہ کیا اور کیس داخل کرلیا ۔
