منگلورو،26؍جنوری (ایس او نیوز) ڈیرلکٹہ میں اینا پویا میڈیکل اینڈ ڈینٹل کالج کے سامنے واقع 'حسن چیمبرس' نامی عمارت کی چھٹویں منزل سے گر کر چوکیدار کے ہلاک ہونے کی واردات پیش آئی ہے۔ مہلوک چوکیدار کی شناخت ستیش(36سال) کے طور پر کی گئی ہے۔

موصولہ رپورٹ کے مطابق پیر کے دن شام کے وقت وہ ڈیوٹی پر حاضر ہونے کے بعد چھٹویں مالے پر لفٹ کا معائنہ کرنے کے لئے گیا تھا جہاں توازن بگڑ جانے کی وجہ سے وہ سیدھے نیچے زمین پر آ گرا۔ اس سے اس کے سر پر گہری چوٹ آئی اور وہ موقع پر ہی ہلاک ہوگیا۔ کہا جاتا ہے کہ ستیش کے ساتھی نے لفٹ کا معائنہ کرنے کے لئے اوپر جانے کو خطرناک بتاتے ہوئے اسے منع  کیا تھا مگر اس نے ساتھی کی بات کو نظر انداز کرتے ہوئے اوپر جانے کو ترجیح دی تھی۔

کوناجے پولیس اسسٹیشن کے افسران نے جائے واردات پر پہنچ کر معائنہ کیا اور کیس درج کرلیا۔ مزید تحقیق جاری ہے۔