منگلورومیں گانجہ فروخت کرنے کے الزام میں ایک شخص گرفتار
منگلورو8/نومبر (ایس او نیوز) کاوور پولیس اسٹیشن کے انسپکٹر، سب انسپکٹر اور دیگر اہلکاروں نے ایک شخص کوگرفتار کرلیا جس پر الزام ہے کہ اس کے پاس گانجہ موجود تھااور اس نے یہ گانجہ راگھویندرا مٹھ کی طرف جانے والی سڑک کے کنارے فروخت کرنے کی کوشش کررہا تھا۔
گانجہ فروشی کے الزام میں گرفتارشدہ نوجوان کا نام محمد عاشر(23سال) بتایا گیا ہے۔ پولیس کا کہنا ہے کہ اس نے ملزم کے قبضے سے 350 گرام گانجہ ضبط کیا ہے جس کی مالیت 6,500 روپے ہوتی ہے۔اس کے علاوہ ملزم کے پاس سے 5,000 مالیت کا ایک موبائل فون بھی ضبط کیا گیا ہے۔کاوور پولیس اسٹیشن میں کیس درج کرلینے کے بعد ملزم کو عدالت میں پیش کیا گیا جہاں سے اس کو عدالتی حراست میں بھیجا گیا ہے۔