منگلورو،6؍ جنوری (ایس او نیوز) سٹی پولیس کمشنر این ششی کمار کی نے بتایا کہ دو الگ الگ معاملات میں اپنے فرائض ادا کرنے میں کوتاہی کے مرتکب 6 پولیس والوں کو معطل کر دیا گیا ہے جس میں ایک خاتون پولیس سب انسپکٹر بھی شامل ہے ۔

صحافیوں کی جانب سے ایک وائرل ویڈیو کلپ سے متعلق سوال پوچھے جانے  پر پولیس کمشنر نے  تفصیلات بتاتے ہوئے کہا کہ پانڈیشور ویمنس پولیس اسٹیشن کی سب انسپکٹر روسمّا کو  نابالغ لڑکی  کے ساتھ جنسی ہراسانی سے متعلقہ  پوکسو کیس میں غفلت برتنے کے لئے معطل کیا گیا ہے ۔ اس کیس میں ایک پولیس ہیڈ کانسٹیبل ملزم ہے ، جسے بعد میں گرفتار کیا گیا تھا ۔

دوسرے معاملہ میں دو سب انسپکٹرس ، دو اسسٹنٹ سب انسپکٹرس اور ایک کانسٹیبل کو معطل کیا گیا ہے جو پولیس اسٹیشن کے اندر ہی شراب نوشی میں ملوث ہیں ۔ یہ معاملہ اگست 2021 میں پیش آیا تھا ۔

یاد رہے کہ ایک دن قبل ویمنس پولیس اسٹیشن میں پولیس اہکار رقص میں مشغول ہونے کا ایک ویڈیو کلپ وائرل ہوا تھا ۔ پولیس کمشنر نے وضاحت کرتے ہوئے کہا کہ :" جن دو معاملات میں پولیس اہلکاروں کو معطل کیا گیا ہے ، اس میں اور ابھی وائرل ہوئے رقص والے ویڈیو معاملہ میں کوئی تعلق نہیں ہے ۔  یہ جو ویڈیو وائرل ہوا ہے اس میں پولیس اہلکار دسہرہ کے موقع پر لطف اٹھا رہے تھے ۔ چونکہ ہمیں اس میں کوئی برائی نظر آتی اس لئے ہم نے کوئی تادیبی کارروائی نہیں کی ہے ۔"