منگلورویکم اپریل (ایس ا و نیوز)کرناٹکا کے جنوبی کینرا سے شروع ہونے او ر اپنی ایک خاص پہچان بنانے والا وجیا بینک اب ماضی کی داستان بن گیا ہے کیونکہ ملک کے ایک اور ’دینا بینک‘ کے ساتھ وجیا بینک کو بھی گجرات کے ’بینک آف بروڈا ‘ میں ضم کردیا گیا ہے۔ 

مرکزی حکومت کی نئی پالیسی کے مطابق دو تین بینکوں کو ایک ساتھ ضم کرنے کا سلسلہ چل پڑا ہے۔اب دینا بینک اور وجیا بینک آزاد بینکوں کے بجائے بینک آف بروڈا کی شاخوں کے طور پر کام کریں گے۔جنوبی کینرا کے وجیا بینک گاہکوں کا کہنا ہے کہ اپنی بہترین کارکردگی کے باوجود بینک آف بروڈا جیسے گھاٹے میں چل رہے دینا بینک میں اسے ضم کرنا بالکل نامناسب بات ہے۔