منگلورو:17؍ اکتوبر(ایس اؤ نیوز)کدرولی میں دسہرہ کی وداعی تقریب کا نظارہ کرنے کے بعد گھر لوٹ رہے دو بائک سوار سڑک حادثے میں ہلاک ہونےکا واقعہ کے سی روڈ کی قومی شاہراہ 66پر پیش آیا ہے۔

مہلوکین کی شناخت کاسرگوڈ ضلع ، کمبلے دیہات کے کونٹنگرڈکا کے مکین کرشنا پرساد گٹی(26) اور پرجیت (24) کی حیثیت سے کی گئی ہے۔ دونوں  غیر شادی شدہ تھے۔بتایا گیا ہے کہ  تعمیراتی مزدور اپنے 6دوستوں کے ساتھ 3بائک پر سوار ہوکر منگلورو میں دسہرہ دیکھنے آئے  تھے۔ دسہرہ کی تقریب مکمل ہونے کے بعد کرشنا پرساد اور پرجیت اپنی بائک پر سوار ہوکر گاؤ ں لوٹ رہے تھے کہ  کے سی روڈ کی قومی شاہراہ سےہوتے ہوئے اچھیلا کے قریب بائک حادثہ کا شکار ہوگئی۔

بتایا گیا ہے کہ  کرشنا پرساد اور پرجیت کی بائک سڑک پر پھسل گئی جس کے نتیجے میں دونوں کی  موت واقع ہوگئی ہے، مگر اس دوران عوام نے ایک کارڈرائیورپر شبہ ظاہر کرتے  ہوئے ڈرائیور کی پٹائی کرنے کی کوشش کی ، لیکن پولس ذرائع نے خبر دی ہےکہ حادثے میں کار ڈرائیور کی کوئی غلطی نہیں تھی۔ معاملے کو لےکر منگلورو جنوبی ٹرافک پولس تھانہ میں کیس درج ہواہے۔