منگلورو: 22 جنوری کو رام مندر میں پران پرتیشٹھا سے دھرم شاستر کی خلاف ورزی ہورہی ہے: ہندو مہا سبھا
منگلورو :18؍ جنوری (ایس اؤ نیوز )ہندو مہا سبھا نے 22جنوری کو ایودھیا میں پران پرتیشٹھا کی مخالفت کرتےہوئے بیان دیا ہے کہ ’’شری رام مندر کی تعمیر مکمل نہیں ہوئی ہے، اور نامکمل مندر کا افتتاح دھرم شاستروں کے خلاف ہے‘‘۔
منگلورو میں پریس کانفرنس کے ذریعے بات کرتےہوئے ہندو مہا سبھا کرناٹکا کے بانی راجیش پوترن نے کہاکہ ’’شری رام مندر کی تعمیر نامکمل ہے، ایسا رہتے مندر کا افتتاح کرنا دھرم شاستروں کی خلاف ورزی ہے ۔ اور جو بھی پران پرتیشٹھا میں شامل ہونگے ان سب کو شاپ لگے گا۔ جنہوں نےجدوجہد کی انہیں باہر رکھ کر جلد بازی میں افتتاح کیا جارہاہے‘‘۔
شری رام پربھو کو انتخابی سامان بنا نے والی بی جےپی کی قیادت والی مرکزی حکومت کو شری رام کا شاپ لگے گا۔ بی جےپی کی جوحالت کرناٹک میں ہوئی ہے وہی مرکز میں بھی ہوسکتی ہے۔پوترن نے سوال اٹھایا کہ مندر کی تعمیر پوری ہونے سے پہلے ہی جلد بازی میں افتتاح کرنے کی کیا ضرورت تھی۔
