منگلورو: پنمبور بیچ پرشری رام سینا کے کارکنان کا عاشق جوڑے پرحملہ: چار گرفتار
منگلورو :5؍فروری (ایس اؤ نیوز) منگلورو میں عاشق جوڑوں پرحملوں کی وارداتیں رُکنےکانام نہیں لے رہی ہیں۔ تازہ واردات پنمبور بیج پر پیش آئی ہے جہاں پڑوسی ضلع چک منگلورو کے کڈورتعلقہ کی لڑکی سے بات کرنے پرکیرلاسے تعلق رکھنے والے لڑکے پر حملہ کیاگیا ہے۔ پتہ چلا ہے کہ یہ دونوں بنگلورو کے ایک ادارے میں کام کرتے ہیں۔
ذرائع سے ملی اطلاع کے مطابق لڑکی اپنے ذاتی کام سے 5 فروری کو اُڈپی جارہی تھی تو ادبی میدان میں ایوارڈ حاصل کرنے پراُس نے اپنے نوجوان دوست کومبارکباد پیش کرنے پنمبور بیچ پرپہنچ کرملاقات کی تھی۔ جب دونوں پنمبور بیچ پر تفریح کررہے تھے تواسی دوران شری رام سینا کے کارکنان نے جوڑے کو نشانہ بنایا معاملہ کو لےکر پنمبورپولس تھانہ میں دفعہ 143،341، 504، 149 کے تحت کیس درج ہواہے۔
حملہ کی کوشش کرنے پر گھبرائی لڑکی نے پنمبور پولس تھانہ میں شکایت درج کی تو پولس نے چار کارکنوں کو گرفتار کیا ہے۔ جن کی شناخت بنٹوال کے مکین پرشانت بھنڈاری (38)،بیلتھنگڈی کے مکین اُمیش (23)،کیرتن پجاری (20)اورپُتِّلا کے مکین سدھیر(26) کی حیثیت سے کی گئی ہے۔ بتایا گیا ہے گرفتار شدہ ملزمین شری رام سینا سے تعلق رکھتے ہیں۔
اطلاع کے مطابق جب لڑکا اورلڑکی پنمبور بیچ پر ٹہل رہے تھے تو ہندو کارکنوں نے انہیں روک کر حملہ کرنےکی کوشش کی اور اس کی وڈیو بھی بنائی۔ عین موقع پر جائےو قوع پر پہنچی پولس نے حالات کو معمول پر لاتے ہوئے شدت پسند تنظیموں کے کارکنوں کو اپنی تحویل میں لے لیا۔
پولس ذرائع کے مطابق ایسے واقعات کو روکنے کے لئے پنمبور بیچ اورتھنیر بھاوی بیچ پرپولس سیکوریٹی فراہم کی گئی ہے، اب بار بار کے واقعات کو دیکھتے ہوئے سکیورٹی پولس عملےمیں اضافہ کیا جائے گا۔