منگلورو: غیرقانونی طورپر سونا سپلائی کرنےکی کوشش : ہوائی اڈے پر ایک گرفتار
منگلورو:23؍ جون (ایس اؤ نیوز) عورتوں کے اندرونی کپڑوں میں چھپا کر غیر قانونی طورپر سونا سپلائی کرنےکی کوشش کرنےوالے ایک فرد کو منگلورو کے بین الاقوامی ہوائی اڈے پر گرفتار کیا گیا ہے۔
ذرائع سے ملی اطلاع کے مطابق دبئی سے غیر قانونی طورپر سونا کو پیسٹ بنا کر عورتوں کے اندرونی کپڑوں میں چھپاکر پیکنگ کی گئی تھی مگر منگلورو کے ہوائی اڈے پر پہنچنےکے بعد تلاشی لینے پر اس کو تحویل میں لے لیا گیا۔ پتہ چلا ہے کہ اس مسافر کا تعلق بھٹکل سے ہے۔
منگلوروہوائی اڈے پر موجود کسٹم ٹیم نے شخص کو تحویل میں لیاہے۔ اس کے پاس سے 24کیاریٹ کا خالص 18.96لاکھ روپئے مالیت کا 364.500گرام سونا ضبط کرلیاگیا ہے۔ جو عورتوں کے اندرونی کپڑوں میں چھپاکر پیکٹ کی مانند رکھا گیا تھا۔ جس باکس میں بچوں کے کھلونے تھے اسی باکس میں اس سونے کے پیکٹ کو چھپاکر رکھا گیا تھا۔ تحویل میں لئے گئے فرد کے خلاف شکایت درج کرلی گئی ہے۔