بھٹکل 3/جولائی (ایس او نیوز) سانپ کو پکڑنے کے دوران سانپ نے نوجوان کو ہی ڈس لیا، جس کے نتیجے میں نوجوان کو بھٹکل سرکاری اسپتال میں ضروری طبی امداد کے بعد راتوں رات اُسے اُڈپی سرکاری اسپتال منتقل کیا گیا ہے۔

ذرائع سے ملی اطلاع کے مطابق مخدوم کالونی کا 29 سالہ عبدالمعیز   سانپوں کو پکڑنے میں کافی ماہر ہے، مگر کل پیر کی شب ایک مکان میں موجود سانپ کو پکڑنے کی کوشش کررہا تھا کہ  اس دوران سانپ اس کے ہاتھ پر حملہ آور ہوا اور اس کی ایک انگلی کو ڈس لیا۔ عبدالمعز کو فوری طور پر بھٹکل سرکاری اسپتال لے جایا گیا جہاں  سے  رات کو ہی اُسے اُڈپی سرکاری اسپتال منتقل کیا گیا  اور آئی سی یو میں رکھا کیا گیا ہے۔ ایک  قریبی رشتہ دار نے آج  بتایا کہ اُس کی حالت اب قدرے مستحکم ہے اوروہ خطرہ سے باہر ہے۔

بتایا گیا ہے کہ سانپ کو پکڑنے میں کامیاب ہونے کے بعد سانپ نے اُس کی ایک اُنگلی کو ڈس لیا تھا، اس کے بائوجود اُس نے ہمت نہیں ہاری اور سانپ کو  تھیلے میں بند کرکے ہی دم لیا۔

واقعے کی اطلاع ملتے ہی بھٹکل میونسپل کونسل کے صدر اور مخدوم کالونی کے اہم ذمہ دار محمد صادق مٹا ، کونسلر عبدالرحیم سمیت کافی نوجوان بھٹکل سرکاری اسپتال پہنچ کر مریض کی عیادت کی۔