بھٹکل میں لکڑیوں کا گٹھا سر پر اُٹھائے ندی پار کرنے کے دوران ندی میں ہی گر کر مزدور ہلاک

Source: S.O. News Service | By I.G. Bhatkali | Published on 13th May 2019, 4:41 PM | ساحلی خبریں |

بھٹکل 13/مئی (ایس او نیوز) ساگر روڈ پر واقع کیِترے نامی دیہات  میں   ایک مزدور اُس وقت ہلاک ہوگیا جب وہ سر پر  سُپاری کے درختوں کے تنے    لادے  ندی کو پارکرنے  ندی میں اُتر رہا تھا کہ اچانک پیر پھسل گیا اور سیدھے  ندی میں گرگیا، جس سے اس کی  موت واقع ہوگئی۔ حادثہ آج پیر کی صبح پیش آیا۔ مرنے والے کی شناخت بھٹکل جالی کے رہنے والے مہادیو سومیّا گونڈا (55) کی حیثیت سے کی گئی ہے۔

عینی شاہدین نے بتایا  کہ ندی میں پانی نہیں تھا، البتہ  15 فٹ بلندی سے نیچے پتھریلی زمین پر جا  گرا تھا، سر کو شدید چوٹ لگنے کے ساتھ ساتھ ہاتھوں کو بھی چوٹیں آئی تھی، جس کے نتیجے میں اُس کی موت واقع ہوگئی۔

سومیا گونڈا  کو بیوی اور تین لڑکے ہیں۔

حادثے کی اطلاع ملتے ہی کِیترے اور جالی کے کافی لوگ  بھٹکل سرکاری اسپتال  پہنچ گئے اور گھروالوں سے تعزیت کی۔

نعش  بھٹکل سرکاری اسپتال میں پوسٹ مارٹم کے بعد گھروالوں کے حوالے کی گئی ہے۔

مضافاتی پولس تھانہ میں معاملہ درج کیا گیا ہے۔

 

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔