بھٹکل 19 ستمبر (ایس او نیوز) تعلقہ کے شرالی نیشنل ہائی وے کنارے واقع وینکٹاپور ندی میں گرکر ایک مزدور کی موت واقع ہوگئی جس کی شناخت وینکٹاپور کے رہنے والے وینکٹ رمن ناگپا گونڈا (51) کی حیثیت سے کی گئی ہے۔
بتایا گیا ہے کہ وینکٹ رمن سنیچر کو کھیتوں میں کام کرنے کے بعد ہاتھ پیر دھونے ندی میں اُتر ا تھا، اچانک پیر پھسل گیا اور ندی میں گر کر لاپتہ ہوگیا۔ مقامی لوگ کل سے اُسے ندی میں تلاش کررہے تھے، مگر کوئی سراغ نہیں لگ پایا تھا۔ آج اتوار شام کو اس کی نعش ندی میں تیرتی ہوئی پائی گئی۔
ندی سے نعش برآمد ہونے کی اطلاع ملتے ہی بھٹکل مضافاتی پولس جائے وقوع پر پہنچی اور ضروری کاروائیوں کے بعد نعش کو بھٹکل سرکاری اسپتال منتقل کیا ۔
پولس مزید چھان بین کررہی ہے۔