بھٹکل میں ایک شخص کی خودکشی
بھٹکل 27 جنوری(ایس او نیوز) تعلقہ کے شرالی چتراپور میں ایک شخص نے اپنے ہی مکان کے کمرے میں چھت سے لٹک کر خودکشی کرلی جس کی شناخت شامل کشور (39) کی حیثیت سے کی گئی ہے۔
بتایا گیا ہے کہ کشور کی لاش چتراپور مکان کے ایک کمرے کی چھت سے نیلون کی رسی سے لٹکتی ہوئی پائی گئی۔ پتہ چلا ہے کہ کشور غیر شادی شدہ تھا، بنگلور میں ملازمت کرتا تھا، حال ہی میں بھٹکل اپنے آبائی گاوں آیا تھا۔اس کو ایک بہن ہے جو شادی شدہ ہے جبکہ قریب ڈیڑھ دو سال پہلے اس کے والد کا انتقال ہوا تھا۔ خودکشی کی وجہ معلوم نہیں ہوسکی۔
کشور کی والدہ لتا ا چاری کی شکایت پر بھٹکل مضافاتی پولس تھانہ میں معاملہ درج کیا گیا ہے، پولس مزید چھان بین کررہی ہے۔