کرناٹک کے نائب وزیر اعلی بولے، خراب سڑکوں کی وجہ سے نہیں اچھی سڑکوں کی وجہ سے ہوتے ہیں حادثے
بنگلورو،12 /ستمبر(ایس او نیوز/آئی این ایس انڈیا) حادثات خراب سڑکوں کی وجہ سے نہیں ہوتے بلکہ اس وجہ سے ہوتے ہیں کیونکہ سڑکیں اچھی حالت میں ہیں یہ عجیب و غریب بیان دیا ہے کرناٹک کے تین نائب زیر اعلیٰ میں سے ایک گووند کرجول نے، جن سے مرکزی حکومت کے نظر ثانی موٹر وہیکل ایکٹ میں طے کئے گئے جرمانو کی رقم کو کم کرنے کے ریاستی حکومت کے فیصلے پر سوال کیا گیا تھا۔ نائب وزیر اعلی گووند کرجول نے کہاکہ ہر سال ریاست میں تقریبا 10,000حادثات رپورٹ کی جاتی ہیں۔میڈیا ان کا ذمہ دار خراب سڑکوں کو ٹھہراتا ہے لیکن میرا خیال ہے کہ ایسا بہترین سڑکوں کی وجہ سے ہوتا ہے۔کئی ریاست جن میں بی جے پی زیراقتدار کرناٹک، مہاراشٹر اور گوا بھی شامل ہیں، انسانیت کی بنیاد پر جرمانے کی بڑی رقم کو کم کرنے کا فیصلہ کر چکے ہیں۔ گووند کرجول کا کہنا ہے کہ زیادہ تر حادثات ہائی وے پر ہوتے ہیں۔ میں زیادہ جرمانہ لگانے کی حمایت نہیں کرتا۔کابینہ میٹنگ کے دوران ہم جرمانو پر نظر ثانی کرنے کے بارے میں فیصلہ کریں گے۔