گھر واپسی: سونیا کے حکم کی تعمیل، مہاراشٹر کانگریس نے 4627 مزدوروں کا خرچ اٹھایا

Source: S.O. News Service | Published on 8th May 2020, 8:55 PM | ملکی خبریں | ان خبروں کو پڑھنا مت بھولئے |

ممبئی،8؍مئی(ایس او نیوز؍ایجنسی) کانگریس صدر سونیا گاندھی کے ذریعہ پارٹی کی ریاستی یونٹوں اور لیڈروں کو لاک ڈاؤن میں پھنسے غریب مزدوروں کی گھر واپسی کا انتظام کرنے کے حکم پر عمل شروع ہو گیا ہے۔ اس حکم کے جاری ہونے کے بعد سے مہاراشٹر کانگریس نے اب تک تقریباً 4627 مہاجر مزدوروں کے ٹکٹ کی رقم ادائیگی کر ان کی گھر واپسی کا انتظام کیا ہے۔ اس کے ساتھ ہی ان سبھی مزدوروں کے کھانے پینے کے انتظام کے ساتھ ہی ان سبھی کی جانچ کا بھی کانگریس نے انتظام کیا۔ جانچ کے بعد ہی سبھی کو ان کی ریاست بھیجا گیا۔

مہاراشٹر یونٹ کانگریس کے سربراہ اور ریاستی حکومت میں وزیر خزانہ بالا صاحب تھوراٹ نے جمعرات کے روز اس کی جانکاری دیتے ہوئے بتایا کہ گزشتہ کچھ دنوں میں مہاراشٹر سے بہار لوٹنے والے تقریباً 4627 مہاجر مزدوروں کے ٹکٹوں کی رقم ادائیگی کی گئی ہے۔ انھوں نے بتایا کہ وزیر توانائی نتن راؤت، مویشی پروری کے وزیر سنیل کیدار اور رکن اسمبلی رنجیت کامبلے کی دیکھ ریکھ میں پارٹی نے 2019 مہاجروں کے لیے ٹکٹوں کی ادائیگی کی۔ ان سبھی نے ناگپور سے مظفر پور اور وردھا سے پٹنہ کے لیے ٹرین پکڑی تھی۔

بالا صاحب تھوراٹ نے کہا کہ چندر پور کے انچارج وزیر وجے وڈیتیوار اور رکن پارلیمنٹ بالو بھاؤ دھنورکر اور پارٹی کی چندر پور شہر اور ضلع یونٹوں نے بھی تقریباً 239 مہاجروں کے پٹنہ لوٹنے کے لیے ٹکٹ کے رقم کی ادائیگی کی۔ ساتھ ہی ریاستی کانگریس کے کارگزار سربراہ مظفر حسین نے اتر پردیش اور بہار کے لیے ایک خصوصی ٹرین سے تقریباً 1200 مہاجروں کے ایک قافلے کو بھیجنے کا انتظام کیا۔ انھوں نے بتایا کہ دیگر مہاجر مزدورں کے ٹکٹ اور دیگر بلوں کا دیگر ضلع پارٹی یونٹوں، اراکین اسمبلی، اراکین پارلیمنٹ اور دیگر لیڈروں نے اپنے اپنے علاقوں میں دھیان رکھا ہے۔

غور طلب ہے کہ گزشتہ دنوں پورے ملک میں لاک ڈاؤن میں پھنسے مہاجر مزدوروں کے لیے مرکزی حکومت کے ذریعہ خصوصی ٹرین چلانے کے بعد ریلوے کے ذریعہ ان مزدوروں سے کرایہ وصولنے کی خبریں آئی تھیں۔ کئی جگہ تو ریلوے کے ذریعہ عام دنوں سے زیادہ کرایہ لینے کا معاملہ بھی سامنے آیا۔ اس سلسلے میں کانگریس صدر سونیا گاندھی نے مودی حکومت پر تلخ حملہ کیا تھا اور کہا تھا کہ اگر حکومت غریب مزدوروں کی گھر واپسی کا خرچ نہیں اٹھا سکتی تو کانگریس پارٹی خرچ اٹھائے گی۔ انھوں نے پارٹی کی سبھی یونٹوں کو مہاجر مزدوروں کی گھر واپسی کا انتظام کرنے کا حکم دیا تھا۔ اس کے بعد ملک بھر میں کانگریس کی طرف سے مزدوروں کو مدد ملنے لگی۔

ایک نظر اس پر بھی

کشمیر میں بی جے پی کارکنان کو ایک منصوبہ کے تحت نشانہ بنایا جارہا: الطاف ٹھاکر

 بی جے پی جموں و کشمیر یونٹ کے ترجمان الطاف ٹھاکر نے پارٹی کارکنوں پر ہونے والے حملوں کی شدید مذمت کرتے ہوئے کہا ہے کہ کشمیر میں بی جے پی کے کارکنوں کو ایک منصوبہ بند سازش کے تحت نشانہ بنایا جا رہا ہے۔

مرکزی حکومت کا ہتھیاروں کی درآمد پر پابندی کا فیصلہ ناقابل فہم: سوگت رائے

مرکزی حکومت کے ذریعہ 101ملٹری ہتھیاروں کی درآمدگی پر پابندی عاید کیے جانے پر ترنمول کانگریس نے سوال کھڑے کرتے ہوئے کہا ہے کہ یہ قدم اٹھانے سے قبل ملک میں اسلحہ سازی کی صلاحیت میں اضافہ کرنے کی ضرورت تھی اور اس کے لئے روڈ میپ تیار کیا جانا چاہیے۔

کشمیر: ڈاکٹر شاہ فیصل نے اٹھایا حیرت انگیز قدم، پارٹی کے صدارتی عہدہ سے دیا استعفیٰ

 کشمیری قوم کے لئے نیلسن منڈیلا بننے کی تمنا رکھنے والے 36 سالہ سابق آئی اے ایس افسر ڈاکٹر شاہ فیصل نے گزشتہ برس مارچ میں 'ہوا بدلے گی' نعرے کے تحت لانچ کردہ اپنی جماعت 'جموں و کشمیر پیپلز موومنٹ' کے صدارتی عہدے سے استعفیٰ دے دیا ہے۔ ان کی جگہ پر پارٹی کے نائب صدر فیروز پیرزادہ کو ...

یلاپورکے دیہات میں محکمہ جنگلات کے افسران اور عملے کی طرف سے مسلسل ہراسانی کے خلاف بھٹکل میں دیا گیا میمورنڈم

ضلع شمالی کینرا کے یلاپور تعلقہ میں گولاپور نامی دیہاتی علاقے میں رہائش پزیر ایک 70سالہ خاتون اوراس کے خاندان کو محکمہ جنگلات کے افسران اور عملے کی جانب سے مسلسل ہراساں کیے جانے کا الزام لگاتے ہوئے جنگلاتی زمین پر بسنے والے لوگوں کے حقوق کے لیے جدوجہد میں مصروف تنظیم نے وزیر ...

کرناٹک کے وزیر صحت بی سری راملو کورونا پوزیٹیو

کرناٹک کے وزیرصحت بی سری راملوکے کورونا وائرس (کووڈ-19) سے متاثر ہونے کی تصدیق ہوئی ہے - سری راملو نے اتوار کو ٹوئٹ کرکے یہ اطلاع دی-انہوں نے بتایا کہ ہلکا بخار ہونے کے بعد کورونا جانچ کرائی گئی تھی، جس میں ان کی رپورٹ پوزیٹیوآئی ہے - وزیر کو بورنگ اسپتال میں بھرتی کرایا گیا ہے ۔