منڈگوڈ:14؍فروری(ایس اؤ نیوز)کلگھٹگی اور منڈگوڈ کی سرحد پر شیر کی چہل پہل ہونے کے شبہ پر تعلقہ کے ہنگند اور اتی ویری دیہات میں ڈ نڈھورے کے ذریعے  عوام میں بیداری پیدا کی جارہی ہے

ذرائع سے ملی اطلاع کے مطابقکلگھٹگی تعلقہ بینڈلگٹی میں پچھلے تین دن سے  شیر کودیکھا گیا ہے  لیکن فوریسٹ عملہ اس کو  قیدکرنے میں ناکام ہوا ہے ، اسی دن سے پاس پڑوس کے دیہاتوں  کی سرحدوں پر شیر کے قدموں کے نشان نظر آنے پر علاقے کے عوام خوف میں مبتلا ہیں۔

کلگھٹگی کے آر ایف اؤ شریکانت پاٹل کا کہنا ہے کہ  کلگھٹگی تعلقہ سے منڈگوڈ تعلقہ کے ہنگند اور اتی ویری دیہاتوں کی سرحد ملتی ہے، بینڈلگٹی فوریسٹ کے ساتھ  متعلقہ علاقے میں گھنے جنگلات ہونے سے منڈگوڈ کے سرحدی علاقے میں شیر کی چہل پہل ہونے کے امکانات ہیں۔ بتایا جارہا ہے کہ کالی فوریسٹ سے  اگر شیر آیا ہے  تو لوٹ کر دوبارہ اسی جنگل میں چلا جاسکتاہے۔ سمجھا جارہا ہے کہ فطری طورپر منڈگوڈ اور  یلاپور کے جنگلات میں شیر گھوماہوگا۔

ہنگند دیہات کے لیڈر سدپا ہڈپد نے بتایا کہ بینڈلگٹی علاقے میں شیر آنے کی اطلاع عوام تک پہنچانے کے لئے ڈنڈھورا پیٹ کر اطلاع پہنچائی گئی ہے تاکہ  گاؤں والے  قریبی علاقوں میں  اپنے جانوروں کو چرانے اور پاس کے جنگلات میں داخل ہونے کو لے کر ہوشیار رہے۔ بتایا گیا ہے کہ گزشتہ دو دنوں سے منڈگوڈ تعلقہ کے فوریسٹ علاقوں میں فوریسٹ عملہ بھی شیر کو پکڑنے کی کوششوں  میں مصروف  ہے ، یلاپور ڈی ایف او گوپال کرشنا ہیگڈے نے خبر دی ہے کہ شہر  جنگل کی طرف واپس لوٹنے کا امکان ہے۔