کنداپور: پوسٹ مین ہوگیا لاپتہ۔ندی میں بہہ جانے کا اندیشہ
کنداپور 15/اگست (ایس او نیوز)رابرٹ بنج نامی نوجوان جو پوسٹ مین کے فرائض انجام دے رہاتھا،اس کے بارے میں اندیشہ ظاہر کیا جارہا ہے کہ وہ گنگولی کے قریب ناڈا گڈین انگڈی کی ایک ندی میں گرنے کے بعد بہہ گیا ہوگااور غرقابی کی وجہ سے شاید اس کی موت واقع ہوگئی ہے۔
موصولہ رپورٹ کے مطابق رابرٹ گڈین انگڈی کی طرف اپنے اسکوٹر پر نکلا تھا۔ سفر کے دوران اس نے والٹر فرنانڈیز نامی ایک مقامی شخص کو اپنے ساتھ بٹھا لیا اور پھر اسے اپنے مقررہ مقام پر اتارنے کے بعد ڈاک پہنچانے کے لئے گڈے انگڈی کی طر ف آگے بڑھ گیا۔لیکن جب وہ بڑی دیر تک واپس نہیں لوٹا تو رابرٹ کے لئے تلاشی مہم شروع کی گئی، کیونکہ رابرٹ کا اسکوٹر ندی کے کنارے پارک کیا ہوا تھا اور اس کی چپلیں ندی میں تیرتی ہوئی پائی گئیں۔شبہ ظاہر کیا جارہا ہے کہ ندی کنارے پر واقع بہت ہی تنگ راستے پر شاید چھتری کے ساتھ پیدل جارہا تھااور برسات کے دوران تیز ہوا چلنے سے اس کا توازن بگڑ ا ہوگا جس کی جہ سے وہ ندی میں گر بہہ گیا ہوگا۔
اس سلسلے میں گنگولی پولیس اسٹیشن میں کیس درج کرلیا گیا ہے۔