کنداپور، 22 ؍ جنوری (ایس او نیوز) کنداپور کی ایک لاڈج میں شیموگہ کے رہنے والے شخص کی خود کشی کا معاملہ آیا ہے ۔ 
    
مہلوک شخص کا نام سنیل کمار (39 سال) ہے جو شیتّا ہلّی شیموگہ کا رہنے والا تھا ۔ وہ 17 جنوری کو ناڈا گوڈّینا گاڑی سالانہ تہوار میں شرکت کے لئے کنداپور آیا تھا  اور اس نے ایک لاڈج میں کمرہ کرایے پر لیا تھا ۔ سمجھا جاتا ہے کہ اس نے 17 اور 20 جنوری کے درمیانی عرصہ میں انتہائی اقدام کرتے ہوئے اپنے کمرے میں خود کشی ہے ۔ جس کا کوئی واضح سبب ابھی معلوم نہیں ہوا ہے ۔
    
مہلوک کے بھائی ہیمنت کمار کی شکایت پر پولیس نے کنداپور پولیس اسٹیشن میں کیس درج کیا گیا ہے ۔