کنداپور7/اکتوبر (ایس او نیوز) کنداپور تعلقہ کے تھیکٹّے گرام پنچایت حدود میں وقتاً فوقتاً نظر آنے اور عوام کے اندر خوف وہراس پھیلانے والے چیتے کو محکمہ جنگلات کے افسران نے پنجرے میں قید کرلیا۔

بتایاجاتا ہے کہ تھیکٹے میں مالاڈی ہائر پرائمری اسکول کے اطراف میں موجود آم اور ببول(کیکر) کے درختوں کے جھنڈ میں یہ چیتا اکثر دکھائی دیتا تھا۔ خوفزدہ مقامی عوام نے محکمہ جنگلات سے اس چیتے کو پکڑنے اور عوام کو خوف سے راحت دلانے کی درخواست کی تھی۔اس کے بعد محکمہ جنگلات کے افسران نے اسکو ل سے قریبی علاقے میں ایک پنجرہ لگادیااورگزشتہ ایک مہینے سے چیتے کا انتظار کرتے رہے۔بالآخر6اکتوبر کو ایک دس سال عمر کانَر چیتااس پنجرے میں قید ہوگیا۔یاد رہے کہ گزشتہ سال بھی محکمہ جنگلات کے افسران نے اسی علاقے میں ایسا پنجرہ لگاکر ایک چیتے کو پکڑ لیاتھا۔