کمٹہ 31/جنوری (ایس او نیوز) کتے کا شکار کرنے کے لئے نکلا ہوا ایک چیتا شکار تو کرنہیں پایا مگر پاس کے کنویں گر کر خود ہی مصیبت کا شکار ہوگیا جسیے محکمہ جنگلات کے افسران نے بعد میں بچالیا۔

موصولہ رپورٹ کے مطابق کمٹہ تعلقہ کے برگی میں یہ واقعہ پیش آیا جب بہت تیزرفتاری سے کتے کا پیچھا کرنے والا چیتا توازن بگڑ جانے کی وجہ سے وسنت شیوا نائک کے گھر کے احاطے میں موجود کنویں میں گر گیا۔چیتا کنویں سے نکلنے کی کوشش میں جب غرانے لگا تو گھر والوں کو اس بات کاپتہ چلااور انہوں نے فوری طور پر محکمہ جنگلات کے افسران کو اس بات کی اطلاع دی۔

کنویں میں چیتا گرنے کی خبر عام ہوتے ہی اس کا نظارہ کرنے کے لئے گاؤں والوں کاہجوم لگ گیا۔پھر محکمہ جنگلات کی ٹیم نے جائے وقوع پر پہنچ کر کنویں میں پھنسے ہوئے چیتے کو باہر نکال لیا اور اسے جنگل میں چھوڑنے کے لئے لے گئے۔